|
الـريم
الـريم ريـم رمى سهمه عليه ولا أخطاه=شق الضلوع وصاب قلبي وتله فـي ديرةٍ ماجاء على بالي ألقـاه=لـو قـيل لـي ماكنت أصدق محـله سبحان من حـط الحـلا في محيـاه=مـهـما تـطـالع بـالـوجه مـاتمـله ولـيا تكلم بس عينـك على شفـاه=وصـوته عـلاج وبـلسم لـكـل عـله لــو الـبـحر خـالـط ثـناياه حـلاه=سـكـر نـبات ومـاتبي مـنه حـله وليا ضحك كـل الـحلا في ثناياه=في ضحكته يضحك له الكون كله ولـيـا زعــل ودك بـجنبه تـرضاه=وتـقـوله خـل الـزعل عـنك خـله صـادق بـتعبيره وصـادق بمعنـاه=إحساس صادق صعب غيره يصله أخـذت أنـا ويـاه لي وقت منساه=درب الـهوى قـلبي وقـلبه يـدله صـور لي اللي صابه بفعل دنياه=وعـاف الـحياه الـلي تهين وتذله يـقول لـيه؟ الـلي نـبي ونتمناه=صـعـبه عـلـينا لــو بـغينا نـصله وإلـى مـتى وقـلوبنا في معاناه=والـخل مـايقدر عـلى شوف خله ثـم أطـرق بـعينه ودمـعه تـبـلاه=وسـالت عـلى خـده دمـوعه تبله تـسمع تـنهاده وتـبكي من بكاه=كن الحزن وسطه سكن وإستحله ياليتني من دونه ودون ماجاه=حــرام مـثـله دمــع عـينه يـهله سعد السمين |
^^الله
صــــح لسانكـ أخوي ~سعــد ماشاء الله قصيده والله روعه بمعنى الكلمه سلمت يمناكـ تحياتي وتقديري |
اقتباس:
صح بدنك أختي أصايل هذا من ذوقك أختي وشهاده أعتز فيها منك شكرا على الحضور الجميل دمتي بود |
اقتباس:
صح بدنك أخوي الراقي الله لايهينك اكتمل الجمال بمرورك الرائع دمت بود |
اقتباس:
ااااااااااااااااااااااه عندك يسعيدان لكن مايخالف الله يستر عليكم وانحش عن المواقع اللي فيها حمام وغزلان وشياهين: لانشوفك في يوم من الايام تغنّي يالعين لك بالهوى لفته ؟مأجر الادوار كلها مع سداد كامل القصود هههههههههههه |
اقتباس:
ههههههه الله يستر يابو سلطان والله مدري لكن ليا قلت درب الهوى عفته جاء وإعترض واحدٍ ثاني |
يا سلام يا سلام صح السانك لاعدمناك
|
صح لسانك وعلا شانك وسلم بنانك اخوي سعد
قصيده في منتهى الروعه ربي يسعد ويوفقك بصراحه اكثر من حلوه |
اقتباس:
صح بدنك يابو وليد الله لايهينك تحياتي لك |
اقتباس:
صح بدنك أختي ترانيم حربيه الله يسعد أيامك ويوفقك لاتكتمل الروعه إلا بمروركم وأرائكم تشرفت بمروك وردك الجميل دمتي برعاية الله وحفظه |
| الساعة الآن 11:29 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
