منتدى اللحالي

الـسُّــــؤال الِّلــــي أدوِّر لـــه جــواب
مِـن عـرفـت الـعـلـم لَكِـنْ مـا لـقـيـت

وهذا أنا قـالـوا أبــو سلطــان شــاب
مـــرَّت الأيَّـــــام كـنِّــي مـــا دريـــت

فـي وسيــع الكــون وأدفـع بالرِّكـاب
وأتـنـشَّـد يــوم رحـت ويـوم جـيـت

ما لـقيــت الّلي كـلامـه لـي جـــواب
مِـن نـشـدتّـه قـال مـثـلـك مـا رأيـت

وشفت مثل المـاء وقالوا لي سـراب
قلت ضعف الشُّوف يوم أنّي ضميت

والسُّـؤال أقفـى على فـهـمـه ضبـاب
فـي ظـلام الّلـيـل يالّلـي به سريــت

وانطـوى ياسـي وفـي بطـن التُّـراب
صار لـحـد الّلـي بمـضمـونـه شقيـت

بسّ أديــر الـفـكــر بـ أمــورٍ عـجـاب
بـايـعٍ فـي ســوق لَـكِـن مـا شـريــت

ولا يجــي رصيـد مِن غيـر اكتسـاب
ولا يـســرَّ الحـال تـلـقـيـط الشِّتيـت

يا مـداويـــر الـكــلام الـمـسـتـجــاب
شـوفــوا الِّلي ينفع اللي مستـمـيــت

ليـه فرقـى النَّـاس والمـرجـع كتــاب
وكـلّ واحـد قـال بـ حـروفـه قـريـت

مــرّْ فيهــا النَّـاس مـــرور السَّـحــاب
وكـلّْ فـرقــه تـنـفــرد فـي أوبــريـت

بسّ فـرقـــه تـسـتـمـــرَّ الإقـتـضــاب
مير مِـن أيَّ النَّاس عـمِّـك يا بشـيـت

وليـه يـلـعــب لـعـبـةٍ منهــا ارتيـــاب
شايــفٍ نـفـسـه زعـيـم الكـومبليــت

و ذاكـــرٍ بـلـــوت عـلَّــه لـلــــذَّهـــاب
وفلّْ شايـب هاص مَع بنت السِّبيـت

والحُكـم شريــا ولا يـكـمــل نِصــاب
غـابـت التِّسـعــه والإكَّـه وانـعـمـيـت

صــار لـي مثـل الحمـامـة والـغــراب
مـشيـتـي ضـاعـت ولا معها مشيــت

يـالله الـمـعـبـــود يـا جـــزل الـثِّـواب
يا كـريـم الـوجـه مـا غـيـرك رجـيـت

تـرحـم الّلي شايــفٍ وضـع اغـتــراب
بين جَـدْرَ الطّيـن من جَـدْرَ السّميـت

وتـعـبـت اليدّيـن مـن هــشّ الذّبــاب
والبـعـوض أدمــن علـى رشّ الفليـت

والنّجــوم الّلـي علـى حــدّ الـغـيــاب
لانــي مـطــاوع لـهــن ولا عـصـيــت

شايـف الـدّجـاج مـا أخــاف العقــاب
منتـخـي بالدّيك في طـول الصِّـويت