منتدى اللحالي

لا تفرح إن الوقـت -أسعدك واعطاك
لا بــد مـن ســود اللـيالي تبكيــك

دنـــيا تقلـــب علـها مـــا تــولاك
تمسي عزيز و تصبح - من الصعاليك

إليا اقبلت - تخفي عيوبك عن أعداك
وإليا ادبرت -تظهـر عيوبك لاهاليـك

اغنم من - صروف الدهر كانه امداك
قبل - اللحد عن ظاهر الارض يخفيك

و ترى التشكي للمخاليق يشـنـاك
يحط من قدرك ويفـرح امــعـاديـك

و كـثر التـشره يجعل الناس تجفاك
ولا عــاد تلـقى بيـنهـم من يخاويك

ولا تمادى في زعل من ترضـاك
مادام - جاء عاني على شأن يرضيك

ولا تخــاوي من على أبوه بـــداك
هذاك وان طال الزمان يغدر فـيـك

والجـاهل احـذر لا تجـادلـه يـبلاك
في كلـمة بين المخاليـق تعـمـيـك

و الهرجةَ العوجى لو أنها تنصـــاك
حـاول تجـاهـلهـاوخــلها تـعـديـك

ولا تضيّع هـقـوة اللي تـهـقواك
مادام - جاء بين - المخاليق ناصيـك

واحذر تـهـزأ يـا فـتى بخلق مولاك
تـشـوفـها باقـرب قريـبٍ يوالـيـك

و لا تفرح بزودٍ على الحق وان جاك
زودك ترى نقصٍ على حق ذوليـك

و خل القناعه ميزةٍ من مزايـــاك
مـع الـقـناعـه كل شـيءٍ يـكفـيـك

وان جت لك الدنيا على غير مشهاك
اصبر - ترى - بالصبر تدرك أمانيك

لا تامـن الدنيــا تـرى الوقـت فتـاك
لا جاء - القدر كثـر الحـذر ما ينجيـك

احمد الناصر الله يرحمه واخوانه المسلمين