منتدى اللحالي

يابدر - يـوم اجـيـك - قصدي تعـالـيـل
ياطـيّـب - السّمعـة خـصـيـم الاعـادي

ياشاعـرً - يـعـرف بـزيـن التـمـاثـيـل
يــاعـــارفً لاقـــال قـــولـه وكـادي

يابن - الـرّجـال - الطيبين الـحـلاحـيـل
عـوق المـعـادي فـي نـهـار الـطرادي

ياسـم مـن عـاداك لـلـكـايـدة - تشيل
ياطـيّـبً طـيـبـه عـلـى الـطـيـب زادي

أشفق - على مجلاس - شرواك بالحيل
يـاعـزوتـي يـافـزعـتـي يـابـن هـادي

ودي - اوضّـح ماجـرالـي بـتـفـصـيـل
ودي ابـيّـن مـاخــفــى فــي فــؤادي

يابـدر - عـيـنـي كل مايـظـلـم الـلـيـل
يـحـدهــا عــن لــذة الــنــوم حــادي

اليا تـذكـرت الـنـشـامـا المـشـاكـيـل
ماكنهـم - عـاشـوا فـي هـاك الـبـلادي

دنـيـا - لـك الله -ياعـضـيـدي بـهـاذيـل
كـم طـيّـب عـايـش حـيــاتـه زهــادي

اللي - صفت - له صـار دربـه - تساهيل
ومن عوكست - لـه شـاف هـم ونكـادي

انـا بـحـلـت - بـشـوف - نـاسً مهابيـل
والـكـل مـنـهـم خالـي العـقـل غـادي

الـكـل مـنـهـم يتبـع الـقـال والـقـيـل
والـيـا نـشــدتــه قــال عـلـمً وكــادي

لو تبحث - الخافـي - تشـوف - التهاويل
تـدري - بإن الـعـلـم - مصـدر فـسـادي

اللي غـبـنّـي - قـولـت انـهـم رجاجيل
ودك تـبـيـعـه فـي حــراج الـمــزادي

مـادام لايـنـفــع - ولا بـه مـحـاصـيـل
خـلـه تــرا لايـفـيــد - ولا يـسـتـفـادي

وصـلاة - ربـي اعــداد وبـل المخاييـل
علـى النبـي و اعـداد - نـبـت الحمـادي

ابونايف الشعيلي.