جزالة غيداني
 

الشاعر الكبير/محسن حويان الغيداني ،
مهداه ل فيحان تركي الغيداني


تعاقب - الاسباب - مع كلّ - منحاه
و سيل - الغضب قام يحداني لواديه

الله .. من - ميلة - زماني وجفواه
ماهو بمرضيني وانا ازريت لارضيه

تكشيرت - انيابه - تعدّت - ثناياه
ياحيف - يامْعاند - بحر منت قاويه

قام - يتلاطم - والعواصيف - تشعاه
يالعاقل - إقنع - باوّله- قبْل - تاليه

قدام - تصبح - واحدٍ - من ضحاياه
إسلم وسلّم باقي القوس باريه

العبد - ماله - غير تصريف مولاه
وعند - النوايب - يرفع لربه ايديه

يالله - ياللي تسجد الخلق لرضاه
يالقادر - الموجد - لخلقه و محصيه

عبدك - واناب - امره لربه وملجاه
لا خايفً غيره - ولا هو - براجيه

انت الكريم انت العزيز انت يالله
المستجيب - لعبده - اللي يناجيه

إفرج لمن حده زمانه على اقصاه
منّا و منّا - لين - بانت - خوافيه

ما باقيً - من - صبره - الا بقاياه
و قام يتساوى المرّ عنده وحاليه

عجْزت - يده تدفع - مخاليب- دنياه
عن جرحه - اللي - يولمه واعْبثت فيه

عاداتها - كشْف - الاومور المغطاه
و المستحي .. ملعونةٍ - ما تدانيه

وضاق الفضا قدمي من اقصاه لادناه
و تجاهلو - بعض - الرجال المشاريه

مدّاح - روحه - ما تسوّا - سواياه
الخايب اللي حاضره مثْل ماضيه

صغير - بافعاله - كبارٍ - حكاياه
و اصعب عليه الطيب من حبّ اذانيه

و اخترت - من بين الرّجال المسمّاه
رجلٍ - عصامي - يرفع الراس طاريه

عمٓار - ياقصراً - على العزّ مبناه
لو هو - جماد - اغليه من غلْو راعيه

مشرعةٍ ابواب الكرامه لمن جاه
ما قيل حال الباب من دون ناصيه

راعيه - شيخً تفعل الطيب يمناه
شيّال هم اللي قسى الوقت حاديه

يا كثر من قالو بفعله - عرفناه
الله على مدات - جوده - يجازيه

منصا هل اللازم جزالٍ - عطاياه
فيحان ابن تركي - ولحدن بغاويه

جزل القصيد وصادق المدح يزهاه
يرفع مقام اسما قصيدي ويعليه

و انا من اللي في لزومه - تنصاه
بامرن قضاه الله ثم فيحان - قاضيه

نعمن بفيحان الكرم - ما جهلناه
والشاهد الله ما هفت هقوتي فيه

نورً - جلى عن ساري الليل ضلماه
ابمدحه- لو ما يبى الناس تطريه

مادحْته افعاله ولا به - مراواه
جزل القصيد وصادق المدح يعنيه

اللي فزع في لازمي قبل لانخاه
ابي امدحه واعتزّ به و افتخر فيه

عزوةْ و فزعة من زمانه تحداه
فزعة - شجاعٍ - كايد الامر ينهيه

صامل و طلْق حجاج سمحً محياه
ورا - بعيدين - الهقاوي هقاويه

ومهما فعل من طيب ماهو مفاجاه
متورّثن من عالي المجد أٓعاليه

من راس اخو غلباء زبون المخلاه
ماكر- حرارن - عالياتٍ - مجانيه

الشيخ - تركي ما تعدّد - مزاياه
و السّيره - اللي - ميّزتها - مباديه

المرجله - و الدّين - من صلب مبداه
ينساق له من صادق المدح عاصيه

رجل - الكرم - رجل المواقيف و الجاه
منصا وجيه القوم- لاصدت- اوجيه

تم الكلام وطاب من طيب - منصاه
راع الجميل-- اللي يجمّل - معانيه

الطيب - كلّ اهل- المراجل - تمناه
و من حطّ دونه - دون ماعاد يمديه

لاهان فيحان ابن تركي- و شرواه
و لاهان من بالمرجله- يقتدي فيه

صح الله بدنك ي بو فهد وماعليك زود يالامير
واشادتك فخر يالغالي

صح الله بدنك يالاميره
والله يسلمك من كل مكروه واخوان المسلمين