منتدى اللحالي - عيطاً من العيط

عديت لي في راس عيطاً من العيط
لو يسهـي الطيـّار لحظـه صـدمـهـا

اضنّها اللي طاح من راسها مقيـط
آخـر حـيـاتـه يـوم عـــدا هـرمـهــا

وبقيت لين من التّعب صرت ما حيـط
رجلي مــن الوقـفـه تـخـدّر قدمـهـا

وأخذت من جـزل المثـل شبـه تلقيـط
و مهما يكـون المستمـع هـو حكمهـا

و ان كان ما شادوا بهن صح بقليط
لاطافت العـمـلـه تـغـيّـر سـهـمـهـا

صـحـيـح بـالأريـاء تـراجـع و تقـلـيـط
مثل السهـام الواطـيـه مــن قممـهـا

ذكـرت ساعـات النـدم عقـب تفريـط
ما ترجـع الفرصـه لمـن لا اغـتـنمـهـا

و لاينـفـع المـيـت عن القبر تحـنـيـط
والرّوح خــلّاق الـبـشـر مـستلـمـهـا

تبرا الجـروح و جـرح الايام مـا يخيـط
اللي مـعالـيـق الضـمـايـر قـسـمـهـا

في عـشرت الخـايـن تورطـت توريـط
حـيّة وحـل حـطّـيـت رجـلـي بفمـهـا

صـدّقـت هـرج مـربّـط الـهـرج تـربـيـط
و طـاوعـت نــاسٍ مـاتـبـرّي ذمـمـهـا

يا اصـحـابنا مالي عـليكـم مـشـاريـط
الـطّـيـّبـه عـنـوانـهـا هـــو عـلـمـهــا

والعـشـره اللـي مـا وراهـا مـصـافيـط
مـتـعـادلٍ وجـدانـهـا مــــع عـدمـهــا

تـصـيـر مـثـل بـنـايـةٍ دون تخـطـيـط
مـنـيـن مـاجـاهـا الـتـعـري هـدمـهـا

الشاعر/
شريف ابن راكب الفريدي