منتدى اللحالي - المراجل توافيق

الـعـز مـطلـب والـمـراجـل تـوافيق
والـهــون بـــاب مالنـا فـيـه مدخال

مالي على بعض المواضيع تعليـق
واللي تشوف العين مايشرح البال

أصد عـن مـايـفـعـلون الـمـخاليـق
لكــن مايـخـفـى عـلى الله مـثـقال

وان شفـت بيبـان السعـاده مغاليـق
الصبر مفتاحـآ عـلـى كــــل الاقفال

وإذا لحقنـي مـن زمانـي مـلا حيـق
ازبـن علـى مـنـزل تـبـارك و الانفال

'الفـقـر مـاعـاب الــرجــال المطاليق
كمـا يـعـيـب الـمــال عــبـّـادة المال

جيـل المصـالـح ينقـضـون المواثـيـق
و الجيل الاول فرق عن كـلّ الاجيـال

عاشوا علـى شـدّه وعاشوا على ضيق
لكـنّ صاروا للشـيـم مـضـرب امـثـال

'الـجـود مايبـغـى دعـايـه وتسـويـق
الجود بالإفـعـال مـاهـو بـالآ قـــوال'

'الكنز ماهو بالذهـب في الصناديـق
الكـنـز معـرفـة الرجاجـيـل الابطال

شاعرها غير معروف لدينا