منتدى اللحالي - بالله يأهل الدردشه

بالله يأاهل الدردشه والمراسيل
رسايل الوتساب وش تاليتها

لنا سنه مابين رابط وتـحميل
اليا متى وعيوننا بأجهزتها

يامن يبشرني متى يطلع سهيل
ونحدد الرحله ونعرف جهتها

حنا طراقي بالحياه ورحاحـيـل
نمسي على البيدا ونصبح تحتها

ان ماحصل سجه وخوة رجاجيل
وشهي حياة الادمي وثمرتها

يالله طلبتك تروي الارض بالسيل
عـقـب جفاف جبالها واوديتهـا

بالرايحات اللي بخيرك محاميل
اللي لامرت ديرتن سـيلـتها

دهمٍ ليا قامت تصب الهماليل
اضفت على كل الديار ابركتها

من غيبة الصفره ليا تالي الليل
متواليه ماوقـفـت ونـدقـتها

مخايل ماهيب مثل المخاييل
يبى يهرجون العرب عن سنتها

تحيي العروقٍ اليابسات المذابيل
عقب الدبا اللي دابين بشجرتها

صح لسان شاعرها وتسلم ي ابو محمد ع الاختيار