ياجاهلينن بالهموم وفي دوابشكم اسروح=في غفلةٍ شيخ الشريعه مايجيز طيوقها
واللي بمن حوله ماهو حاسس بتيّارن جيوح=تبي تجي له ساعة البغته ويعرف بوقها
مير الحذر ياللي تلاوفك الهبايب بالسفوح=ترى السحايب مع رعايدها نشوف ابروقها
ولافيه غيث من الغمام اللي به البارق يلوح=بين السماء والارض وشعوف الرّياح تسوقها
لكن على ماقالوا الرّعيان عن هبد الرّموح=في حالةٍ ماينتفسّر كيف صار أفسوقها
وان شيف خيّال الدّوايس طاش وحصانه جموح=مايذري الروّس الرّفيعه منه كثر دنوقها
العرف مايعرض على العارف من العقل الرّجوح=ماييبس الشيران غير اللي يحش اعروقها
وطمايع التّجرات بالانعام في كثر الصّبوح=ماتنفعك نظرتك للانعام وانت ابسوقها
من دونها الدّلال والرّعي وسوّامن شفوح=ليلك غسوق وشمس صبحك منت حول شروقها
لكن تقرّب فالكتاب الله يحبّ اللي لحوح=والطّمعه اللي تكسب الأيات كثر اعشوقها