منتدى اللحالي - قصيدة أعجبتني

مريت مرقابن رقيته وانا شاب
خمسين عام عنه مدة غيابي

رقيت به والعمرعشرين بحساب
واليوم بالسبعين مقفن شبابي

مرقاب راسه للمعدين جذاب
عمردن فوق الصحاصيح نابي

ماشفت مثله بالمراقيب مرقاب
ماعانقنه ناطحات السحابي

يرقابه اللي من عنا الوقت منصاب
حي حداه امن العنا ما حدابي

عديت به في مامضاكني اعقاب
ماهمني مرقا الطوال الصعابي

وجلست في راسه ولاخاطري طاب
لين الشفق مع غيبة الشمس غابي

وحولت من راسه بليلي ولاهاب
في ليل اسود من سواد الغرابي

حولت لورجلي على هامة الداب
قلبي جسور اليانوىمايهابي

واليوم يامرقاب شف عارضي شاب
لو ابا اعدي طحت محدن درابي

ياليت يامرقاب تدري بالاسباب
تقدرا تجاوبني وتسمع جوابي

واسالك يامرقاب عن واحدن غاب
واعلمك عن ما جرالي ومابي

اول زماني بالوناسه والاعجاب
واخر زماني صارفيه انقلابي

تفرقواكل الاخله والاصحاب
نحابهم وقتن مثل مانحابي

نحابهم وقتن غداله اتقلاب
خيله تمارق واقتفاها الضبابي

ومن ماشكا فرقا عزيزين الاحباب
عده ولوهوحي تحت الترابي

/////////////////////

للشاعر / خالد بن عمران الرشيدي