دنياً سوات الفيّ ساعة وزايل=ما ينعرف مطلاعها من نزولها
ما علمت بأسرارها كل سايل=لو علمت بأسرارها كذبوا لها
لكن بها من بعض الاشياء دلايل=وتغرّ من يمشي لها في قبولها
ترميه في غبت بحورٍ هوايل=وترقيه روس جبالها عن سهولها
من طاع نفسه و اقتدى بالهزايل=والله لياطا كل سوداً وطوا لها
خطو الولد حرصٍ لحكي النقايل=ثرثار والنمه حريصٍ يقولها
وخطو الولد يبري جروحٍ علايل=وراع الشكاله كل طاله ينولها
قلته وانا جرّبت كل المسايل=ومشيت للطاله مع اللي مشوا لها
يقولها اللي هلّ حلو المثايل=كما تهلّ من النواشي ثعولها
امثال مال لها الغرام وتمايل=كتب قلمي ولساني اللي يقولها
ماني بمسكينٍٍ للاحزان شايل=تدف له سود الليالي طبولها
ولاني مولّع شمعته بالقوايل=ولا ارافق اللي غيضها في حثولها
ولا امشي مع الرديان واهل المحايل=عيبٍ على مثلي الى سار حولها
وانا احمد المعبود راع الفضايل=لي لابتٍ يثبت كلامي فعولها
ربعي مداوين الكبود العلايل=يوم الايادي ما يقصّر بطولها
ياما بغاهم من عدوٍ وعايل=وعوّد بعد ما داسته في نعولها
وان شانت الدنيا بكل الوسايل=رسو كما ترسي قواعد سطولها
إلا ولا داعي كما قال قايل=دنياً تغيّر والعرب ما دروا لها
ولا فرق بين الناس قاصر وطايل=الفرق هو بفعالها مع دلولها
وكم واحدٍ لو هو من اقصى القبايل=ربعي تعدّه من نوادي زحولها
يالله يامنشي صدوق المخايل=ياحاملٍ فوق البواخر حمولها
انك تعدّل كل ما كان مايل=وانك تعدّل جابتي عن ميولها
ما قلتها في ناسعات الجدايل=والشاهد الله ما نخايل لزولها
اقولها بأهل الفخر والجمايل=اللي ثقيلات الحمول ارتكوا لها
=.
=الشاعر/محسن حويان الغيداني


‏