بين جرح من زماني وفكرٍ ما استراح=من يجمع كل فكر ويداوي للجروح
آهـ من قلبٍ شكى الهم مدري من جراح=الوكاد انه من الهم بالخافي يبوح
كن في جوفه ميادين زرقات الرماح=والسبب مشروح مافيه داعي للشروح
كم سنينٍ روّحت بالكفاح بلا نجاح=والمكافح حدّه الظلم للوقت الشحوح
ضاعت حقوق وقضايا بعصر الانفتاح=وراعي الغدر يتفوّق على القلب النصوح
والفساد يديره اللي لبس ثوب الصلاح=ظاهره صالح وخافيه شبهات ونقوح
والبواخر بالبحر لامجي ولا مراح=دونها موجٍ على مدرج المرسى جموح
وباتجاه السير عيّن يهبن الرياح=الرياح معاكسه والبواخر ماتروح
وحكمة الله بالغه مايغيرها اقتراح=والعزا في كلمة اقدار مكتوبه بلوح
وابشروا ياللي لبستوا بماضيكم وشاح=اقبل الحاظر تباشيره الغرّا تلوح
والكلاب اللي تنابح ومكسبها النباح=الكلاب كلاب لو جات بالصوت البحوح
والنباح سلاحهم مالهم غيره سلاح=والسباع سباع ماردّها الكلب النبوح
والمخايل برقها في عروض المزن لاح=نسمع الرعّاد والبرق بالمنشى يلوح
ولاتهل الا هماليل بالسم الذحاح=كم روحٍ سالمه منه وازهق كم روح
بشّرو من يعترض في طريقه بالصباح=سيله يعم السهل ويتعلا بالسفوح
انتهى وقت الحيل والمجامل والمزاح=بزمرةٍ ولّا زمنها غموضه والوضوح
واشقر الجنحان من فوقها رف الجناح=وكل مارف بجناحينه الورقى تنوح
من يقول رزاح بالدرب تبقى ماتزاح=يبشر ان رزاح راحت وعاشقها يروح
=ناصر الشميلاني

المشاركة الأصلية كتبت بواسطة اصايل (المشاركة 13868) http://img.el-wlid.com/imgcache/2014/03/811308.gif http://zu7l.com/upfiles/6i607840.gif

المشاركة الأصلية كتبت بواسطة اللحالي الغيداني (المشاركة 13877) هلا والله بالطّله يابو مناحي كفو يابن العم تستاهل الجزاله وامثالك يالغالي

المشاركة الأصلية كتبت بواسطة الهاشمي (المشاركة 13879) يديك العافيه ياخي ياناصر الشميلاني عزالله قلت الصحيح اللي مابعده والفساد يديره اللي لابس ثوب الصلاح هاي حقيقه مابعدها هههههههههههه يولوا العولمه والانفتاح عاويش ياخوي عالظلم الله يدفع البلا