منتدى اللحالي - تبكي حرب

منتدى اللحالي (http://allahale.net/vb/index.php)

- قـصـة وأبـيـات (http://allahale.net/vb/forumdisplay.php?f=29)

- - تبكي حرب (http://allahale.net/vb/showthread.php?t=1851)

بعد جيره أكثر من ثلاثون عاماً
مخلف الشمري
تجبره دموع ابنته للوقوف والتصوير
على فراق الوسده من ( قبيلة حرب )
بعد أن قرروا الرحيل من البدائع بالقصيم
إلى منطقة حائل

دمووع وفاء وجيره 👌🌹

[youtube]hUMmHTktinA[/youtube]

يالشمري ما هي غريبه على حرب
قبيلتن بالطيب ربي حباهم

دخيلهم ما يشكي الضيم والكرب
وقصيرهم يلقى الرغد في حماهم

يقاسمون الجار بالزاد والشرب
ما كنه إلا واحدً من ضناهم

درب الوفاء والطيب دايم لهم درب
متوارثينه ورث حتى انساهم

ولالوم بنتك يوم تبكي على حرب
الوايلي في ما مضى قد بكاهم

وكل القبايل نعم بالشرق والغرب
يقدرون اضيوفهم واقصراهم

محمد الطريسي 🌹🌹

______________

بنت الطنايا يوم تبكي على حرب
يلومها اللي ما يشوف الدروبي

وإلا الذي يعرف مدى البعد والقرب
يبكي ويبكي من فراق الحروبي

بكى المطوطح قبلها من عنا الدرب
بكى على الجيره وطبع امحبوبي

شمّـر ووايل هلت دموعهم سرب
وما يلومهم منهو يعرف الحروبي

فواز مزيد الحنيني الحربي 🌹🌹

صح لسان الشاعر محمد الطريسي
وصح لسان الشاعر فواز الحنيني
وصح نقلك يا اللحالي يا ابوسلطان يا شاعرنا الغالي
و ونعم بحرب و ونعم بشمر
والجيرة الطيبة ما ينساها الكبير والصغير
ونسأل الله اللي جمعهم بجيرة طيبة بالدنيا أن يجمعهم بالجنة
وأن يجمعنا وإياكم بالجنة ومن يقرأ ووالدينا ومن يعز علينا والمسلمين
اللهم صلِّ وسلم على محمد

ياحليلها الله يحفظها

وصح لسان شعراء حرب وبيض الله وجيهم

وبيض الله وجهك ياعمي على النقل الممتع
متعك الله بالصحه والعااافيه أمين

راااااقت لي ^^

اقتباس:

المشاركة الأصلية كتبت بواسطة دحمان-الحاج (المشاركة 13598)

امين الله يجزاك الخير يابو براهيم
على الاشاده الجزله منّك يالجزل

يشهد الله انّي نقلت هالقصه اكرام لهالطفله البريّه ولولفها لجيرانها وطيبة عقل وفكر ابوها حيث اراد نشر المقطع لمايكنّه لجيرانه ؛؛؛؛

أنا تأمّلت القصه انها من طباع المسلمين بالجزيره العربيه ومن السّمات الخالده بالاسلام

وأن المسلمين بنعمة ربّهم اخوان
لادخل لفروقات القبيله بينهم

والحمدلله على مثل هالحالات الأنسانيه حتّى في أطفال

فمشكور يابو ابراهيم أثريت الموضوع بدعواتك ؛ نعم الله يكرمنا بالتّوادد في مابيننا كمسلمين عموم

اقتباس:

المشاركة الأصلية كتبت بواسطة اصايل (المشاركة 13600)

ياحليلها الله يحفظها

وصح لسان شعراء حرب وبيض الله وجيهم

وبيض الله وجهك ياعمي على النقل الممتع
متعك الله بالصحه والعااافيه أمين

راااااقت لي ^^

الله يجزاك الخير يالاميره انتي وهالطفله

ههههههههههههههههههه

قالت راقت لي الله يستركم جميع واخوانكم المسلمين

شمريه و حربيه

احس ان قلوبكم حول بعض هههههه

طيبة القلوب مايخيّبها الله

ومانحن إلاّ برحمته

مشكوره يابنتي اصايل والشمريه بنتي

وتعفونني من الابيات عشان الشّعار ماقصّروا الله يجزاء الجميع خير