مايخدع الرجـال كثـر التراحيـب =‎ولا يتبع المقفين ذرب الخصايـل
‎ ‎‎ ‎ ‎ = ‎ ‎ ‎
‎اللي يدينـه للمراجـل مقاضيـب=‎تشوم نفسـه لا حدتـه الهوايـل
‎ ‎‎ ‎ ‎ = ‎ ‎ ‎
‎رجلن صدوق ولا يخون الاصاحيب =‎ورجلن ضعيف وعايش" بالتحايـل
‎ ‎‎ ‎ ‎ = ‎ ‎ ‎
‎ورجلن يـدور هيبتـه بالاكاذيـب=‎ورجلـن يـدور عزتـه بالنفايـل
‎ ‎‎ ‎ ‎ = ‎ ‎ ‎
‎ورجلن يخفي طعنته بالمحاديـب=‎ورجلن تظاهر بالردى والفشايـل
‎ ‎‎ ‎ ‎ = ‎ ‎ ‎
‎ورجلن يموت ولا يجي سكة العيب=‎ورجلن على الغرات جرف تهايـل
‎ ‎‎ ‎ ‎ = ‎ ‎ ‎
‎ورجلن حزامك بالوفا والمواجيـب=‎ورجلن على الوقفات مابه صمايل
‎ ‎ ‎‎ ‎ ‎ = ‎ ‎ ‎
حلفت ماتبع مرخصين المعازيـب=‎وحلفت مارخص كاسبين الجمايل
‎ ‎ ‎‎ ‎ ‎ = ‎ ‎ ‎
نهيت نفسي عن قليل المكاسيـب=‎ورفعت رأسي عن قليـل الفعايـل
‎ ‎ ‎‎ ‎ ‎ = ‎ ‎ ‎
ماني من اللي يتبعون الرعابيـب=‎شيمة هلي تحشم بنات الحمايـل
‎ ‎‎ ‎ ‎ = ‎ ‎ ‎
‎ماضاع حقي لا نويت المطاليـب=‎العـز دربـي والفعايـل دلايــل
‎ ‎ ‎‎ ‎ ‎ = ‎ ‎ ‎
هـذا أنـا يامدوريـن العذاريـب=‎مبداي واضـح والمعانـي مثايـل
‎ ‎ ‎‎ ‎ ‎ = ‎ ‎ ‎
مايخدع الرجـال كثـر التراحيـب=‎ولايتبع المقفيـن ذرب الخصايـل
‎ ‎‎ ‎ ‎ = ‎ ‎ ‎