لا تشتكي برد الشتا يا ملْحفٍ كتفك عباه =لوّ الرياح البارده هبّت وتسمع صوتها
البرد برد مشرّدٍ فالارض ما يلقى دفاه =ما هو ببرد اللي تنَعّم بالدفا فبيوتها
والبرد برد اللي طواه الجوع ما حصّل عشاه =ما هو ببرد اللي يفيض مْن الصواني قوتها
والبرد برد اللي يشوف الموت والخوف اعتراه=فارضٍ غدا سطح الثرى لاصحابها تابوتها
والبرد برد اللي شكت روحه مفارق والداه=وقامت عيونه تذرف دْموع الفراق لْـموتها
والبرد برد اللي عليه الظلم دايرةٍ رحاه =والناس من حوله على الظالم يطول سْكوتها
والا انت في أمن وأمان وتلتحف بشت الغناه =ولا ضاقت بصدرك على وسع الفجاج خْبوتها
مكرمك ربي وان حداك البرد تلبس لك عباه=تكفيك في برد الرياح اللي يزمجر صوتها
‎ ‎‎ ‎ ‎ = ‎ ‎ ‎

للشاعر محمد دخيل القثامي