اثقل ديون الطيب دين الجماله=وألذ طعم الطيب طيب المواقيف
‎ ‎‎ ‎ ‎ = ‎ ‎
وازكى دروب الطيب درب العداله=وابرز صفات الطيب رد المعاريف
‎ ‎‎ ‎ ‎ = ‎ ‎
واللي تجمل فيك باغلا حلاله=لا تتركه لا عارضنّه صواديف
‎ ‎‎ ‎ ‎ = ‎ ‎
ترا الجزاله مالها الا الجزاله=والمرجله قد قيل تبغا تكاليف
‎ ‎‎ ‎ ‎ = ‎ ‎
لا تصير خبلٍ راس ماله خباله=لا مكرمٍ نفسه ولا مكرمٍ ضيف
‎ ‎‎ ‎ ‎ = ‎ ‎
وبيتٍ سمعته جاء بقافي مجاله=قد قيل قبلي من رجالٍ عواريف
‎ ‎‎ ‎ ‎ = ‎ ‎
ياعل رَجلٍ نظرته دوب حاله=يعيش عمره بالعنا والتحاسيف
‎ ‎‎ ‎ ‎ = ‎ ‎
الطيب يبقى للنشاما دلاله=ورجلٍ بليا طيب ماله مواليف

الشاعر
محمد سالم الطريسي