|
نبي نتهاوش
الجميع ؛؛؛ السّلام عليكم ورحمة الله وبركاته إليكم هذه الأبيات المتواضعه ؛؛ الموجّهه للشاعر عويض الغيداني ولكون بعض الناس يمكن يتوقّع إنّه تعسّر بالقافيّه أقول لا والله ولكن قصدت أن تكون القافيّه حياديّه عن تواطي القوافي ؛ ولكونها على المقصود في هوشةٍ بيننا نريدها برموز ؛؛ وأنا موجّهها لشاعر أعرف إنّه متمكّن بغير قاصر بالغير وبنفس الوقت هو المعني ويهمّنا إعجاب الجميع من مرتادي المنتدى ومسئولينه ؟ قلت ؛؛؛؛؛؛ يا عويّض أنا وأنت نبي نتهاوش=لو أنّنا وسط البحر بين قرشه = ومتحاوطن فينا وفيه نتشاوش=من بحلة الأفكار باللي يخرشه = وحنّا بخمش خشوم ما هو مناوش=ومترادفينن فوق الأمواج فرشه = نسمع بعلم النّوخذي والمطاوش=لو كلّ منهم مستخصن بشرشِه = هذا زمانن فيه عِسر المعاوش=يا نازف من البحر الأحمر بغرشه = مير انتبه من معضلات المداوش=بأسباب من خوفه على طنب عرشه = وأحذر طناخة كاربين المقاوش=ترى الشّعير من الرّحا طيب جرشه = لو يسبقك عليه عجل المغاوش=خلّه يفلّل بالمغاريف كرشه = الذّيب لو قلّت عليه المحاوش=يصبر على من يمدحه ثم يهرشه = وأقول أنا ويّاك نبي نتهاوش=وعلى ما قال التّونسي حبّ برشه قال الشاعر ؛ عويّض محمد الغيداني هذا زمانن فيه الأرنب يكاوش=عليه له عكره سميكه وحرشه = والضّب من عقب المكاوش مخاوش=هزيل مطعومه من الجوع مرشه = ما فيه داعي للقشر والمشاوش=تطرش وتلعن بعدها كلّ طرشه = واللي تحت طنبه تفوح المغاوش=الله يرفع من مقامه وعرشه = غيره بهالدّنيا يشوش المشاوش=راس أصقعن ما فيه عضمن تعرشه = وعميل بوش اللي من الفقر باوش=أكبر قضاته كلّ ما جيته أرشه = وإن عوّدت للمرجله والمعاوش=صيدك خيار الصّيد ما هي بطرشه = وأنا معك ما عاد فيها قشاوش=واللي براسه حبّ لازم نهرشه = ما دام ميّزنا طريق الغشاوش=نبا نجنّب فستكيّه وقرشه = ولانته صحيبن للضّعوف الدّراوش=ولك صاحبن ماشحبه عنك قرشه = وكان أنت يا جزّاع تبي نتهاوش=خذها على ما قيل من كفّ حرشه بقي نقول صح لسان الشاعر عويض الغيداني |
وعليكم السلام ورحمته الله ^^ صح الله ألسنتكم وبيض الله وجيهكم كل الاحترام والتقدير |
وعليكم السلام ورحمة الله وبركاته
صح لسانك يا اللحالي وصح لسان الشاعر عويض الغيداني |
اقتباس:
على الاشاده الرّئعه لكن ترى متهاوشين متهاوشين ؛؛الله لايعوّق عويض ماتنفع مه إلاّ العين الـ حمرى ههههههههههههههههههه |
اقتباس:
بالفزعه للجميع كلهم سكارى نجد مأخفيكم انّي سبق وأن قلت لبو مشاري ؟ أمّاتقنّع ظروفي اوّ تقنّعني وإلاّعلى مايقال تصيرفرّاعي عاد انت حطبالك ولايهونون زملاك |
ههههههههههههههههه كلكم ابداع وصحت الاسن لاعدمناكم هوشه مضبوطه
|
صحة السنتكم جميعاً
بدع ورد في منتهى الروعه والجزاله سلمت يداك يابو سلطان على النقل بيض الله وجهك ولاهنــــت ولك تحياتـــي وتقديـــري http://haaarb.com/up/uploads/14084030871.jpg |
اقتباس:
تسلم يابو وليد ومشكر يالغالي |
اقتباس:
تسلم يابو مناحي لاهنت يالغالي |
| الساعة الآن 01:56 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
