العيد هذا
العيد هذا له بفكري مزايا=ما هو مثل ما فات من ماضي أعياد هذا تزايد فيه حسن النوايا=وأشوف وصل الرّحم للخير ينقاد قود الرّسن لمعسّفات المطايا=وإلّا الشّكايم في عسيفات الأجياد بجهودكم يا مجزلين العطايا=الله يكافيكم صواديف الأحساد يا أهل المروّة والكرم والحمايا=اللي ورثتوها من أمجاد الأجداد عاشوا سكارى نجد بين البرايا=من مبتدى غيدان لليوم الأحفاد وعلى مثل ما قيل نعم الدّهايا=وكلٍ بمجهوده من المجد يزتاد محيين مجد متوّجين السّرايا=على الحصن والهجن بالسِّرج وشداد يوم العْوى يطلع بمثله عوايا=هذا قعيد وذاك بالهجد هدّاد ما منهم اللي خاف هوج المنايا=لو جاء نهارٍ فيه للعمر محصاد واليوم بصروح العلوم العلايا=وصلوا مقاماتٍ رفيعات الأشهاد لو اغتنمت بمثلهم في صبايا=شفتوني أطلع للفضاء بالتّمشياد ياني بسوّي بالسّوايا سوايا=ماهوب بس بقولة فلان قصّاد يبي يتبيّن للمتابع خفايا=من شلّةٍ كبيرهم له تسرهاد وإن قيل أشوى قلت ما من شوايا=تقفي علوم وتقبل علومٍ جداد تجي الفلاء لخفوق فكري ضوايا=وأشوفني في غيهب الحلم بمهاد وأقوم وأرقد ثم تعود الرّوايا=وأشوفني سوّاح بأطعاس الأنفاد ما شكيت من جوعي ولا من ظمايا=ولا شفتني مجهود من ذات الأبعاد لكن لحالي في وسيع النّحايا=ما أشوف من حولي من النّاس روّاد وأنا أعتزي في محتمين الرّعايا=ريف اليتيم وللعدو سمّ الأكباد الله يهنّي طيّبين السّجايا=ويصلح لهم ما ينتسمّا بالأبداد |
الساعة الآن 10:33 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.