انشدك عن عودن بكى ليلة العيد = واصبح ضحى عيده هكاليوم صايم
شايب ومن شيبه اعياله معاويد = اكبر اعياله وسط سود العمايم
عن مهنته مايردعه مبرم القيد = يومي شليله بين صاحي ونايم

هلاابومناحي اسعد الله اوقاتك وكل عام وانت بخير
أسف ماركزت بحلك كنت مستعجل وشفت جذع النخله قلت سلم من ابومناحي لكن المشكله كيف اجيب لكم لغز انايوم شفت ترانيم قلت تبي تزهل بالموضوع وتفزع لوتغششني اقل شي .....
المهم انا اباحاول اجيب لكم لغز خايف من تدبيل الغرامه بس لاتطالبوني بوزن وتربيط الأمور هذي ماهي عندي اباجيب لكم واحد بدون اذرعه

يقول

ابا انشداللي يكسب الفود ويفيد
لاطب سوقٍ فيه بايع وسايم
وش الخبيث اللي ابتلابه مقاريد
وكد رعليهم صافيات النسايم
أول بدايه حب شهره وتقليد
ومن بعدها جاب العنا واللوايم

وسلامتكم...........

هلا ترانيم
اولا مبروك الوسام اللي حصلتي عليه وتستاهلين أكثر
الرمعه صحيحه هو التتن مثل ما قالو وهل نجد الاولين يسمونه المخزا
يقول ابن سبيل

بالصدر اكنه كنة الضرم مخزاه = ساعة ويشرب له ولزما يعوده

تشكرات....