قال الذي باحلى البيوت انفرديا=وصاغ البيوت الي لها البال يطرب
ابيات شعرٍ مثل عد النقديا=وعلى بيوته جاب معنى مرتب
يا الله يالمعبود وانت السنديا=ارفع لك يديني واناجيك يارب
واذا دعيتك مايضيع الجهديا=ياواحدٍ رحمتك غايه ومطلب
عسى سحابٍ فيه برق ورعديا=يمطر على دارٍ لمزنه ترقب
يرخي هماليله بليل السعديا=من بحره الغربي ليا الشرق يشرب
همال غيثٍ مايخلطه برديا=تسكن هبوبه كل ماجات بتهب
لن الهبايب تحدي المزن حديا=واليا ارتكى الغربي لمزنه تنكب
ويمر ويعدي لذاك البلديا=اللي لشوفه من زمانين يطلب
يا الله ياحلال كل العقديا=نفحات جودك للمخاليق مكسب
يارافعٍ سمك السما بلا عمديا=ماللبشر دونك ملاذٍ ومهرب
اليا سكنا مضلمات اللحديا=وكلٍ على اعماله بعدلك يحاسب
يوم يتبرا الوالد من الولديا=ويوم الولد عن والديه يتهرب
تغفرلنا الزلات يوم الوعديا=يوم الخلايق بالحساني تقرب
يوم ان الاعضا كل عضوٍ شهديا=في ماقفٍ فيه الموازين تنصب
يالله تجنبنا دروب النكديا=ونارد على الحاظ المسمى ونشرب
من كف عبدٍ مايعرف الحسديا=نبينا اللي بالشفاعه مقرب
تم الكلام اللي بدعته على اديا=قافه جديد وتو بالمنتدى طب
=ابو مناحي الشميلاني