منتدى اللحالي - وش عند أبو سلطان

وش عند أبو سلطان عنّا مصدّي=ما تقل له منّا تحيّه ومقدار
بحرين له في جزر واحد ومدّي=نبحر بهن ونغوص مع كل بحّار
وعلى سفينه جدّ جدّه وجدّي=كنّا وياما كان في حكم الأقدار
ورثت من جدّي علومن ترَدّي=وأثره يارث مثل ورثي ولا صار
طولي وطوله ونّ1 والقيس قدّي=متقاسمينن بالبحر كلّ محّار
نسرع ولو مال اليخت ما نهدّي=ومن فضل ربّي ما حسبنا للأخطار
إيماننا يسمح لنا بالتّحدّي=ندرى عن أنفسنا من العيب والعار
ونشوش للطّيب وله نستعدّي=وللضيف ماجوبه وماجوب للجار
وكلّن ومنزلته ويدّه بيدّي=وللمخطيه نقبل ثناء كلّ معذار
ومن الطّناخه بيننا مستمدّي=مثل الصّله ما بيننا سرّ وجهار
وضح النّقا ما باح سدّه وسدّي=لصحابنا جنّه ولخصومنا نار
ومن جاب له هرجه لنا ما يودّي=نكنّها بصدور وعقول وأفكار
يبدا ويبدي لي وأنا له مّبدّي=ونغوص في غبّ المعاني والأبحار
تمّت وأنا في صاحبي يوم أعدّي=وهو درعي الواقي وسيفي للأشرار
أشرار لي فالنّقد وبما استجدّي=وما يصير لي ما بين معنى وشعّار
أرسلت للمعنى رموزن جددّي=عسيرةٍ بالوقت والوقت دوّار

الشاعر عويّض الغيداني

.....
كان بودّي أعكس عجز البيت مكان الصّدر والصّدر مكان العجز
أي أقول

أخوك أبو سلطان تنياه الأقدار=تشوف لا مبغض ولا هو مودّي
ليا صار ما تشوف ربيع وأزهار=خل العنا في راحته يستهدّي

ولكن أنا أمام شاعر ما فيه حيله هههههههه صحيح ما هو الأوّل ؛ لكن ما هو بسيط
أمّا اللي قاريني غيب ونظر ويفحمني بالهواش ههههههه

هو الشاعر مزعم بن وهق الكمي المويعزي
الله يذكر الجميع بالخير؛؛؛؛والله يعين على هالسّارفه وخويه مساعد
المهم نبي نمشي ممشاه والله يستر

اللحالي

يابو محمد جاك هذا مردّي=متجاذبه فكري من يمين ويسار
قشمطت من ما يشتويه المسدّي=وأخذت به كورس تأمّل وتدبار
الجدّ تصميل الفعول بتصدّي=لو حزورت بعض الجرايع بالأزوار
وطولي وطولك ما عليهم تعدّي=الله جعلنا من وفيين الأشبار
ميراثنا له بالشّجاعه ممدّي=مع الكرم لمطوّعت قبّ الأمهار
واليوم كلن من جهوده يغدّي=وإلاّ يعشّي كل ما جاه خطّار
لعل صدفات المغارق تلدّي=باب الشّخوف اللي تحرّاه الأشجار
وعندك خبر مسناد يدّي لخدّي=لولا الصّلاة اللي على سيد الأبرار
يطيب لي فيها الخشوع المُعَدّي=من رحمة الباري ولإبليس مدحار
يا خوي ماني عن لقاكم مصدّي=طبعي من الموروث ما فيه شوشار
وأنا لميصال الهدف ويش ندّي=بس أبلج النّظره بساحات الأنظار
ودروسنا في ديننا تِسْمِهِدّي=ولا نأخذ الأترام من شرح سمسار
وأشعارنا في جرهدن مجرهدّي=ونموت ما نطلب ورى الشّعر دينار