|
أن زان لك وقتك تخير بالأصحـاب
أن زان لك وقتك تخير بالأصحـاب وان شان وقتـك كلهـم مايبونـك أن جيتهم قامـو يحـدّون الأنيـاب وان رحت عنهم بالقفـا يشذبونـك لا..دبّرت دنياك والحـظّ ماطـاب الناس لا..من طحـت مايرحمونـك أهل السيوف اللي يقصّون الأرقـاب أمّـا كفاهـم واقعـك يظلمونـك لا..تامن العقرب ولاتامـن الـداب السمّ واحد لا..رقـا فـي متونـك ياجاهل الدنيـا ودورات الأسبـاب أعرف ترى من خان غيـرك يخونـك لو كان لك ربع(ن) موالين واحبـاب لابدّهـم عقـب الغـلا ينكرونـك وقت(ن) يشيّب بالمخاليق ماشـاب أسأل رجـال(ن) جرّبـو يخبرونـك واحذر تخاوي كل هافـي وكـذّاب أهل الـردى بطبوعهـم يطبعونـك أرفع مقامك عن ردييـن الأ نسـاب لو شفتهم في حضرتـك يمدحونـك فارق ثراهم وارق في راس مرقـاب أبعد عن اللي لونهـم غيـر لونـك خلاّن مال ومالهـم ربـع واقـراب لاقـلّ مالـك عدّهـم يكرهونـك أعتاض فيهم من طويليـن الأشنـاب اللي الـى مـال الدهـر ينفعونـك لاصكتـك دنيـاك وافتـرّ دولاب بانـت مواقفهـم ولا يرخصونـك هذا رفيقك مـن قريبيـن واجنـاب ذخرك وهم في واجبك يذخرونـك عندك قريبين (ن) ولو قلت غيّـاب على صدى صوت الندى ياصلونـك ياللي سمعت العلم لاتفتـح البـاب لاتنحشر في شي ماهـوب شونـك ربعك ألى من شفتهم صارو احـزاب وتشاورو بالـراي والعلـم دونـك لاتبدي برايك عليهم ولـو صـاب لو صحت باعلى الصوت مايسمعونك ومن لاحسبّلك لاتسوي له حسـاب لو كان يسوى وحدة(ن) من عيونك |
صح السانك وقصيده جزله ولك تحياتي واحترامي
|
شكرا لك على هذا الغيث الذى اسقى متصفحى واروى حروف وزدادت كلمات جمالا انت مثل النور وقلمك يشبه البلور وكلمات تبعثرت وحروفها كنها لؤلؤ منثور شكرا لك |
صح لسانك واعتلا شانك
وبيض الله وجهك على القصيدة الرائعة والصادقه كتبت وأبدعت تحياتي لك |
اخى سعد
تواجدك هنا فى متصفحى اعتبره ارقى وسام فلك الشكر على كلماتك الرائعه تحياتى |
| الساعة الآن 03:13 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
