|
الطيب سِلم
الطيب سِلم
سلـم على اللي بالمــواقف لهم دور=رجـالٍ تـشيـل الـحمل مـاتـدعي بـه رجالٍ تسجل بالمـواقف لها حضـور=كـل يـبـي مـن الطيب ياخـذ نصيبـه تقول واحدهم عـلى الـطيب مسحور=يـجـيـك قـبل إنـك تـجئ تـنتخـي بـه الله مــع الـِغيـره خـلق فـيهم شـعور=وفـزعـاتـهم مــاهـي عـلـيهم غـريـبـه يوم إن بعض الناس مخلوق ديكـور=ويـشـوف جـية صـاحبه لـه مـصيبـه مـثله حـرام إنـه يـقلط عـلى السـور=وحـرام حـتى انـك تـسمى صـحيبـه مــــادام لايــنـفـع ولا دمــــه يــفــور=الـمـرجـله لــو هـو بـغــاها صـعـيبـه وماني على مثله من الناس مجبـور=الــطِـيب سِـلـم ولا يـجئ بـالغصيبـه سعد تركي السمين |
نعم نعم يابوتركي صح لسانك كلام يستحق الاشاده
يالجزل كفو عليك الجزاله من غير قاصر بأمثالك الجزلين |
اقتباس:
صح بدنك يابو سلطان والله لايهينك وماعليك زود إشادتك شهادة أعتز فيها من شاعر كبير أكن له كل الإحترام تقبل مني كل التقدير |
والنعم فيك يابن العم وفي الطيبين امثالك
رائع ياابوتركي دائما تبهرنا بمفرداتك الحلوه وكلماتك القويه صح لسانك واعتلا شانك لاعدمناك ولاعدمنا ابداعك |
اقتباس:
صح بدنك يابنت العم وماعليك زود الله يحلي أيامك كلها ويعطيك العافية على مرورك وتعليقك الجميل وعساك ماتعدمين غالي يا ترانيم دمتي برعاية الله وحفظه |
| الساعة الآن 02:16 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
