|
صبّيت لك
حبايبي الجميع قبل سناوت حوالي 35 هـ حصل بيني وبين احد اخوتي ممازحه هاتفيّه ستبقى بذاكرتي مادمت حي
في إحدى رحلاتي الأخيرة للشّمال اناذاك أثناء عودتي عن طريق السّاحل و في مدينة ينبع ، توقّفت لإصلاح القهوة ، في مكان يشرح الصّدر و جهّزتها وجبت قدوعي وأنا أحتسي فنجالي الثّاني وصلت رسالة على الجوّال من ابن عمّي الشقيق عبد الرّحمن مفادها : معرفة مكاني ؟ وجاوبته أنّي في ينبع وأتقهوى وبعد دقائق أعاود الرّسالة يقول : (طيّب صبّ فنجال وترجع بالسّلامة) فطرى على بالي هالأبيات ، أترككم معها صـبّيت لـك فنـجـال يــا طـيّـب الـفـال وعطـيـتـه الـجـوّال يُـوصِلْـه أيــاديــك قـال اشـرب الفـنجــال يـا مبـعـد الّـلال بـيـنـك وبـين أخـــوك سِـــردٍ مهـالـيـك سـبـعـمـيّـة كيـلـو مــع جبـال و سـهـال يالّلي علـى كـرنيــش ينبـع تِــقـهـويــك قلـت أنـت تحسـبنـي قـلـيـل التّمحيـال يالّلي بـلـيّـا الـشّـحـن مـا يـنْـغِـزي فيـك و الله لـتـلّ البـيــج لــو طـال مــا طــال حتّى أنـت في مخـبـاة ثـوبـي وأودّيـك هــذا ولـــد عـمّـي زعــيــم الـتّـمــرجـال ولـو أنـت راعـي كيـف مـعـنا نـقـهـويـك مـيـر استــرح لا تـنـخـدع بـالـتّـمـرسـال تــرى بـعـيـد الـبــرج يـقـطـع عــزاويــك |
حبايبي وجب الرفع لمالهذا الموضوع من ذكريات لاتنسى عندي؟
|
صح لسانك يا أبا سلطان يا غالي
ورفع الله قدرك يا شاعرنا الكبير ويا زينها من ذكريات لاتنسى الله يطوّل بعمرك ويمتعك بالصحة والعافية |
صح الله بدنك يالامير جزاك الله خير
واخوانك المسلمين يابو براهيم انشهد انها ماتنسي ههههههههههههههه وين من ينبع البحر للقصيم الحمدلله على نعمة الله علينا وعليكم بوطن المقدسات |
صح الله لسانك يابوسلطان وعطاك طولة العمر
|
صح الله بدنك يالامير جزاك الله خير
واخوانك المسلمين يابو محمد والله يمد بعمرك على الطاعه والله اني فخور فيك وامثالك يالغالي |
صح السانك يا ابو سلطان وإعتلا شانك
|
صح لسانك وبيض الله وجهك هههه هذا اكيد وقت رحلاتك للشمال الغربي الوجه وضبا وحقل الله يمتعكم بالصحه والعافية يارب |
صح الله بدنك يالاميره اصايل
نعم يابنت اخوي بأحد الرحلات بماذكرتي من الذكريات الجميله الله يجمل حالك ومن يعز عليك |
| الساعة الآن 01:51 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
