بــسـم الله الـرحـمـن بــديـت قـافـي=والـكـل مــن تـحـته مـلـوك وسـلاطين
يــدري بـكل الـلي عـن الـناس خـافي=ويـدري بـسبب مـايشغل الـبال ومـنين
ويــدري عــن الـلي يـدعون الـعفافي=الـلـي عــن عـلـوم الـريـاجيل غـاديـن
لقيت بـيـن الـنـاس فـيـه اخـتـلافي=والـتـجـربة تـعـطـي عـلـوم وبـراهـين
تـكـشف لــك الـلـي قـبلها مـايشافي=مـاكن عـين الأمـس هـي نـفسها العين
الـتـجـربة لـلـنـاس مــثـل الـمـصافي=ولــيـا تـخـالط نــوع تـعـطيك نـوعـين
الـنـوع الأول لاحـصـل شــي كـافـي=تـلقاه مـن جـنبك عـلى الـزين والـشين
يـمشي مـعك لـو هو على الجمر حافي=مـاهو مـن الـلي تـشوفهم عـنك مقفين
وهــذا الـوفاء طـبع الـقلوب الـنظافي=لـو هـم بـعيد أهـل الـوفاء لـك قريبين
والـنـوع الآخــر فــي حـيـاتك إضـافي=راعــي سـوالف بـالسعه خـاطره زيـن
مـثـله كـثـير ولايـجـي إنـسـان وافـي=وألا الـوفـاء لــه نــاس لـكـن قـلـيلين
ثــوب الـوفـاء مـايـلبسه كـل هـافي=لــو كــان وده يـلـبسه مــادري مـنين
والله عـطـاني كــره بـعض الـضعافي=الـلـي عـلـى الـنـمات والـهرج ضـارين
مـجـلاسـهم بـيـنـي وبـيـنـه تـجـافـي=ضعاف العقول اهل النفوس المساكين
الله يــصـيـب حـلـوقـهـم بـالـجـفافي=وعـن طـرد خـلق الله يـصيرون لاهـين
ولـعـل جــو الـلـي صـفاء دوم صـافي=ونـقضي الـعمر كـله وحـنا عـلى الدين
نطلب رضى اللي بفضله الستر ضافي=الــلـي عــلـى بـيـته تـحـج الـمـلايين
ســـــــعــــــد الــــســـمـــيـــن

المشاركة الأصلية كتبت بواسطة اصايل (المشاركة 3467) صـــح لسانكـ شاعرنا القدير ~سعد http://www.karom.net/up/uploads/13253387573.gif

المشاركة الأصلية كتبت بواسطة ابو مناحي (المشاركة 3473) الله الله الله الله الله الله الله الله الله الله الله الله الله الله الله الله الله الله الله الله صح لسانك واعتلا شانك يابو تركي بيض الله وجهك ولاهنــــت ولك تحياتـــي وتقديــــــــــــــــري http://haaarb.com/up/uploads/14084030871.jpg

المشاركة الأصلية كتبت بواسطة رجآوي (المشاركة 3487) قصيدة مليانة بالدُّرر وأبيات بمعاني جزلة وافية شُكراً لمشاركتنا رائعتك ويحماك ربّي ياخوي .

المشاركة الأصلية كتبت بواسطة معيض الضعيني (المشاركة 3498) يا سلام عليك يا ابو تركي كلك حكم وصح السانك واعتلا شانك والمعذره ماعندي من حركاتك التقنيه انت واصايل وابو مناحي ولا اسويها لك واجملها بس كيف ما اعرف لها عطونا كورس