|
سبحان منهو بالبحر حط برزخ
سبحان منهو بالبحر حط برزخ سبـحـان منـهـو بالبـحـر حــط بــرزخ=معزول عن باقي البحر ماأختلط ماه الـواحـد الـلـي لإسـمـه الـكـل يـرضـخ=بإسمـه يزيـن الـقـاف والـقـاف نـبـداه سر ياقلـم وإكتـب لـي أبيـات وإبـذخ=في وسط صدري شي ومغير أجـواه والله يــالــولا فــــوق الأوراق نــصــرخ=وأطش من فوق الصدر بعض ماجـاه ماكـان لـي قلـب إلـى الحـيـن ينـضـخ=ولاوزع الشريـان دمــه عـلـى أعـضـاه لـكـن تـخـف اوجـاعـنـا يـــوم نـنـسـخ=ونلصق على وجه الـورق مـا كتمنـاه لـعــل عـيـنـن تـنـكـر الــحــق تـفـضــخ=مدامـهـا عــن شـوفــة الـحــق مـعـمـاه ولـعـل مــن قلـبـه مــن الحـقـد يـطـبـخ=يـرجـع علـيـه الـلـي بقلـبـه ويـصــلاه سعد السمين وهذه مجاراة الأخ والشاعر القدير ابو عبدالعزيز المحمدي : مطنـوخ قافـك ياسعـد وانــت اطـنـخ=سبحـان مـن لاضــاق عـبـده تنـصـاه ياشاعـراً عـلـى القـوافـي تـمـخ مــخ=سقت الدرر والحص جبته من اخباه قـصـيـدةٍ فـيــه الادب حـيــل يـشـمــخ=وش خـانـة الدنـيـا بـــلا خـضــوع لله الـنـفــس بـالايــمــان لابـــــد تــطـــرخ=بالصـدق مـع حسـن النـويـا مـحـلاه والـوقـت لــه هـبـات صـلـفـاً تلـخـلـخ=لـولا الصبـر مانمـسـك العـقـل بـلـزاه اسـجـد بـتـال اللـيـل هـمـي تـرخـرخ=والله كـــريــــمٍ مــاتــعـــدد عــطــايـــاه وإلـى سمعـت الـلـي بهـرجـه تـلـوخ=لانـلـتـفـت يــمــه ولا نـعـبّــر احــكـــاه الــزمــل لـحـمــول الـلـيـالـي مــنــوخ=والـلــي عـطــاه الله لايـفـقـد ارضــــاه أبو عبدالعزيز المحمدي |
صح لسانك ولسان الشاعر
ماشاء الله تبارك الرحمن أبيات رائعه ورد تستاهله ياخوي سعد دمت بحفظ الرحمن |
اقتباس:
صح بدنك أختي أصايل تستاهلين كل خير وشكرا على مرورك الرائع دمتي برعاية الله وحفظه |
صح لسانك وعلا شانك اخوي سعد ولسان الشاعر
صراحه بيوت جزله ورد رائع ماشاءالله عليكم مبدعين تسلمون والله |
أبيات من ذهب والله يبارك فيكم
ويعلي شأنكم على هالجزالة |
اقتباس:
صح بدنك أختي ترانيم ماعليك زود وشكرا على المرور الجميل الروعة تكتمل بمروركم وردودكم دمتي برعاية الله وحفظه |
اقتباس:
ماعليك زود الله لايهينك أختي بنت اللحالي دمتي برعاية الله وحفظه |
| الساعة الآن 03:47 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
