منتدى اللحالي - عطنا علوم المطر

عـطـنا عـلـوم الـمطر والـجو واحـواله
والـبرق والـعشب وديـار الـمخاضيري

تـابـعـتـك تــصـور الامــطـار بـالـحـاله
ارسـل علوم المطر والعشب والخيري

الــكـل يـرسـل عـلـى الـحـاله بـجـواله
وانـته عـلومك تـصدق دون تصويري

عـيسي الـمطر وين وين تخيل خياله
يـاراعـي الـعـلم والـجـزلات والـطـيري

هـلـيل سـالـم بــن مـشـيط الـمحمدي

هـــلا هـــلا عـــد مـــزنٍ هـــل هـمـالـه
عـلى الـحفر صـارت اثعوله شخاتيري

بـالشاعر الـلي وصـل مـن يـمه ارساله
ابـيـات عـذبه خـذت عـقلي وتـفكيري

ولاهــي غـريـبه مـن هـليل هـذا حـاله
بـالشعر يـنسج ذهب زبن المخاسيري

يـسـأل ومـاكـان فـي بـالي عـلى بـاله
وحسب اجتهادي وعلمي جاه تقريري

مـن حـقل عـلى ضـبا والـوجه وجباله
يـوم الـثلاثاء امس وموثق بتصويري

عـــيـــســـى رجــــعـــان الـــعـــوفــي

عـيسي وهـليل خـذو فـكري بتجواله
يــوم اذكــروا مـاطـرً مـزنـه مـزابيري

عـسـى الـحـفر بـاالـربيع الـلـي يـهياله
مـن شـأن يجمع لنا احبـابً مساييري

وكــلا مـعـه عـزبـته ويـحـوف لـدلالـه
ونـاخـذ لـنـا سـجـة فـيـها تـسـامـيري

مـن الحفر لين رفحاء واوسط اشماله
ولـيـنـه و فـيـحـان وامً لـلـعصـافيري

لـعـل كــل عـضوً مـنا اجـواه تـصفـاله
نـكـسب لـقـاهم عـسـاها بـاالتياسيري

مـــعـــيـــض عــــلـــي الــضــعــيـنـي