لواعنى يا سعود قلبي وأنا حيّ=لولا الأمل باللي عليه اتكالي

اللي جعل فيّ الأمل صيفة الرّيّ=للنّبت من وابل حقوق الخيالي

وإلاّ ترى ماني جديدن على الكيّ=وأشدّهن ثنتين من ما جرالي

الأوّله عادت على القلب هي هيّ=في موت أبوك وفيك يا عزّتالي

يا كبر حجم السّقم من جرحي النّيّ=اللي قديم وباقين له توالي

ومن انفتاح الجرح يا كود سقميّ=في وقت مال الجرح فيه اندمالي

وتسرح بي السّجّات مع سبعة اجويّ =ومن حالك الدّاجي يزيد اكتحالي

وأنا أدري إن الأمر ما هوب بيديّ=ولا يمنع المكتوب كثر اللوالي

لو طالت الأيّام تدرجبك رحيّ=لابدّ ما يأتي عليك الزّوالي

وكلٍ يعرف إنّه مع الدرب مقفيّ=سنّة جليل الملك ما به شكالي

لكن سطت بي فجعةٍ وأوجعت فيّ=والعالم الله كيف صار اختلالي

اللي وجست من الخبر ما هو شويّ=ومن ما صفق فكري عويص انفعالي

تصافقت فيّ الصواعق وأنا غيّ=شايب لكن بالعقل مثل الطفالي

وأنا أحسب إن الفكر ماهو بمعميّ=في وقت مبحلني به الاحتيالي

وأبي جميل أبيات فيها التّهقويّ=تليق في مقام جزل الفعالي

لكن جداي أتوق وأشرب من الميّ=في ليلةٍ فيها الخبر توّ جالي

بأوّل عشر عتقن من النّار تبديّ=يا الله تقبل طلبتي وابتهالي

يالله عسى مثواك في بارد الفيّ=يا حي يا قيّوم حقق سؤالي

في ما لبو خالد مثل ما لوالديّ=في طلبتي لك ياعزيز الجلالي

المشاركة الأصلية كتبت بواسطة دحمان-الحاج (المشاركة 9661) صح لسانك يا اللحالي الله يغفر لفقيد الوطن والأمة الإسلامية ويرحمه ويتجاوز عنه ويكرم نزله ويوسع مدخله ويجازيه بالحسنات إحسانا وبالسيئات عفوا وغفرانا ويسكنه الفردوس الأعلى من الجنة ووالدينا وجميع المسلمين اللهم صلِّ وسلم على محمد

المشاركة الأصلية كتبت بواسطة فهد بن عيسى المحمدي (المشاركة 9662) صح السانك يابو سلطان بيض الله وجهك ولاهنت تحياتي وتقديري

المشاركة الأصلية كتبت بواسطة ابو مناحي (المشاركة 9665) الله يرحم العلم سعود الفصيل وصح لسانك يابو سلطان بيض الله وجهك ولاهنــــت ولك تحياتـــي وتقديـــري http://haaarb.com/up/uploads/14084030871.jpg