منتدى اللحالي - حنابهالدنيا

حنا بها الدنيا سوات السبابيح
أما سبحنا صح ..وألا غرقنا

أحدن يعوم ويأخذ شوي ويطيح
وأحدن وصل بر الأمان وسبقنا

الشعر به حكمة وللنفس ترويح
ويالله عسانا يوم قلنا صدقنا

الحر يفهم يوم نعطيه تلميح
والصنف الآخر يجهل اللي طرقنا

العمر يذبل يالوجيه المفاليح
ولابد مايابس ويسقط ورقنا

لاتشتكي من ضيم الأقدار وتصيح
مادامها في دبرة اللي خلقنا

والقبر حفره والنصايب صلافيح
والدور لو يبطي علينا لحقنا

قبلك تقافت بالرجال الطحاطيح
لا تحسبنا من بلاهم عتقنا

أوضاعنا تحتاج توبه وتصليح
توبة نصوح إن كان ربي رزقنا

صح الله لسان شاعرها