|
مع الشيخ بندر الغيداني
حبايبي الجميع
السلام عليكم ورحمة الله وبركاته إيليكم هذا الموضوع تقبّلوا تفاصيله احد الجماعه من الغيادين كبير بالسّن ويرقد ع السرير الابيض كمايقولون في المستشفى الله يشفيه وامثاله من المسلمين ؛؛ ومن ماقاموا بزيارته امير الغيادين بندر بن محمد بن ذعار ومن ماشاف حالة بن عمّه المريض واللي اغلب وقته لايشعر بمن حوله قال بتعبير القوافي الله يـادنـيـا الـشّـقاء مـالـهـا أمـان كـم و احـدن بـالانـقـلابـه تـغـرّه وشلون سـوّت فـيك يابوسليمـان آخر حياتك شفت ضيق ومضـرّه أوّل حـياته رافـع الراس مـأنـهـان و من جاه محتاجٍ لفزعه يـسـرّه رجـلٍ بـرايـه يـقـتـدي كلّ عـميان وعـلى رفـيـقه مـايـحـبّ التشـرّه وان عوّدت للشعرمع بدع الالحان يسبح بـحور الشعـر ويجيب درّه زرته وهلّت عبرتي فوق الاوجان شـوفـه يخلّي اللي يعرفه بحرّه حـزنـت لكن وش يفيدنّ الاحزان مـافـي يـدي للحـل مـثـقـال ذرّه جـيـته وهـو نايم وناحـل وتـعـبان زيارة وفـاء حيث الوفـاء هـو مقرّه ادري مـايـعـرف زايـره كاينن كان لكن مـن الـواجـب عـلـيـنـا نمـرّه ونطلب له الخللاق عفو وغفران ويـعـوّضـه دنياه خـيـر و مـسـرّه الشيخ بندر بن محمد بن بتلاء و ابو سليمان الله يشفيه شاعر ولكن الان لايشعر بمن حوله الله يحسن لنا ويّاه الخاتمه اذكر له بيت من قصيده موجّهه لعبيد زايد الفريدي يقول ياتل قـلــبـي تـلّـة عبيد للـهـاف تـلّـه و لـد زايـد بـدارٍ مـخـيـفـه تلّه من الباطن يبي خط الاطراف كبّ السّهل وارقاه راس الحتيفه .......الخ |
يالله الله يشفية يااارب ويحفظه لأولاده صح لسان الشاعر وتسلم يمينك ياعمي أحترامي وتقديري |
آمين جزاك الله خير اصايل
وتسلمين ي الاميره الله يسترك ومن يعزعليك |
https://drive.google.com/file/d/0Bzk...w?usp=drivesdk
مجاراة لقصيدة بندر البتلاء في في ابو سليمان ضيف الله الحويان يا أمـيـر دنيانا لـهـا تقل جـنحـان ليا صفت تأخذ عـلى حـين غِرة قـدامـنا للانـبـيـاء جـالـهـا شـان الصـفـوة اللي كـلـبـوهـم مـبـرّة والصورة اللي شفتها لك بالالوان مع صاحبٍ تحفظ حقوقه وسرّه كنك تقول بصـمـت. يابو حـويان يـاليتني بيـنـك وبـيـن المـضـرّة رفقة وفـا للطـيب والـعـز عـنوان وللمصلحة في جنبها ماش جّرة ما يربط الأنسان بأخوه الأنسان حبل الوفا. ما يربطه حبل سرّه وإلا أنا من شفـت صـورة بليهان أمْـبـدّل اشـداد الرخى بالأسـرّه جريت لي ونه تقل ماسّني جان والدمـع يفضـح لوّ عـيني تصـرّه ليّه ثلاث اسنين ماني بـطـربان واليوم طايب خاطـري مـنه مـرّة وقتٍ يابو فيصل له اسنان وعنان الله,, يـكـافـيـنـا,, يـالأمـيـر شـرّه عقاب العماني |
بسم الله الرحمن الرحيم
هذي قصيده يا ابن بتلاء لها شان فاقت جميع الكون بحره و برّه عز الله انك تكتب الشعر بإتقان منته مع الشعار قصّاص جرّه يالشيخ بندر ذي دورات الأزمان و آخر مصير العبد هذا مقرّه المشهد اللي هاض عبرات الأعيان للي عقب حلو العمر ذاق مرّه دنيا حلاها و مرها بكل الأحيان كم بدلت للعبد خيره بشرّه لكن يا ابو فيصل ترا مهو ندمان عقب خذا بالبطيب فره و كرّه صدقت فيما قلت هذا كحيلان و اللي يقول الصدق لله درّه كلمة نعم مشى بها وين ما كان حتى تعلى مع نجوم المجرّه يامحصي الأكوان والإنس والجان و الكون صرّفته ببرده و حرّه يالله يا مشفي مرض كل مرضان عساه عقب موتته ما يتكرّه راضين في حكم الولي عالي الشان نحمد على ما صار نفعه و ضرّه محمد سماح الغيداني |
اشوف هالموضوع بيصير ديوان
لشعارنا و الكل يرسل دررّه قصايد اللي يتقنون التّفنّان كلامهم بين الكواكب مقرّه لو أقدر ابدع مثلهم قلت ياخوان معكم كلامي كان مابه مغرّه نعزّي انفسنا بذربين الايمان اللي رحل و اللي ينوض لمقرّه وحنّا على منهاجهم ننفض عنان الدّايم اللي في رجاه المبرّه اللحالي الغيداني |
| الساعة الآن 03:03 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
