|
مبروك فتح المنتدى يا ابو سلطان
مبروك فتح المنتدى يا ابو سلطان = وعنوانه اللحالي اقسام يضيها
فيك الفخر لامن قري كل عنوان =شاعر وجزلات البيوت اتغزيها يرتاح بالي لاقرى وسط ديوان =ديوان شعرن له صدى يرتقيها واقولها من قلب في نطق للسان = لك الشهاده واللولي معتليها شعرك مثبت به دلاليل وبرهان = للي يبي من شعركم يرتويها انته من اللي لشعر راكب احصان = معاركه خضته واشبكتلك ايديها هاجوسكم لشرد الشعر مسكان = يلحق عليها لين يقبض عليها ولامن احتمى للعود واظهر لدخان = انتم من اللي خيلها واسميها من قوم يحسبلهم كل حسبان = قوم الغيادين كل العرب عرفيها والمعذر ان كان بالقاف نقصان = مشاعرن قلته يا عسا تستغيها وصلاة ربي عد ماهلت امزان = على نبينن سنة نقتديها معيض علي الضعيني |
كفوعليك وهلابك يابو وليد ولي عوده يالغالي
|
= يا معيض ماني مثلك ببدع الالحان=هواجسي يا معيض مشتان ليها = لكن مقامك يفرض لشخصك اثمان=لك قيمةٍ يا معيض حِيِّيت فيها = يا مرحبا عداد نبوتٍ بريضان=وعداد رشّات السّحايب عليها = وعداد ما رحّب بالامطار بدوان=وعدّ النجوم وعدّ من يهتديها = ترحيبةٍ لها مع الجوّ جنحان=ودعيتها والفكر جاء محتديها = ويمرح بها فِلوات فكري بلا عنان=واقول يا فنون العجوب اكتبيها = حسب اقتدار الوزن ببيوت قيفان=صوت وصدى لإعجاب من يهتويها = الصّوت جاء من يمّ ذرفين الأيمان=رسالةٍ نبي الصّدى يلتقيها = فيها الكلام اللي من القلب وكدان=يا فهوم فكري من جهودك عطيها = عطي الرساله حقّها دون نقصان=وإن أستطعتي زودها زوّديها = هذا سلايل حرب في كلّ جهدان=كلّ العلوم الطّيبه محتويها = = |
ولك أعتذاري يابو وليد عن التاخير بالرّد تعرف الشايب وسرحاته
|
صح السانك يا ابو سلطان الشايب الطيبه يحريبها مار ان ابطى ولا استعجل كفوا ماقصرت كسيتني واعطيتني اكثر من حقي لاعدمتك يا والدي والله يمد بعمرك على طاعته وارضاه
|
| الساعة الآن 07:01 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
