بسم الله ابدأ منطرب لي نهارين=وأفخر وأجاهر فالفخر بالرجالي
حنّا على كسب المعالي قويّين=نرقى على شمخ الجبال الطّوالي
نداحم الفرّيس وسط الميادين=ونكسب رهان الفوز لو بالقتالي
من عصرنا الأول ليا عصر هالحين=عاداتنا ما نأخذ إلا الجزالي
ليا وقفنا مثل وقفة سلاطين=ونثبت لجل ميقافنا كالجبالي
ليا ضربنا ضربنا بالمعادين=يبطي وجرحه ما برى منه جالي
ربعي لهم ميقاف بالعسر والّلين=وللعزّ والنّوماس دايم ننالي
ومبروك ثم مبروك فوز الوفّيّين=كلّي فخر بالفوز والرّاس عالي
سماح ونعم من رجالٍ كريمين=له وقفةٍ تشفي عريب الخوالي
وفلاح زيزومٍ حفيد الميامين=طير السّعد دايم كريم السّبالي
وختامها ما دام ربعي غيادين=بعيش في نوماس والعزّ فالي

الشّاعر عبد المجيد بنيدر الغيداني