|
ودي اسلم عليه
يا سلام الله سلامن ياصل اللحالي مكانه = يدرج داخل عنيزه لين ياصل عند بيته
ودي اسلم عليه واحب خشمه مع عيانه = شايبن له قدر عندي وبعده عني ماقويته |
اقتباس:
من بعيد الدار عبر النّت مكتوبه قريته في زمانٍ كل منّا صار مشغولٍ بشانه مير ماينساني الطّيب وانا اللي مانسيته |
اقتباس:
جعل ربي يحفظك من كل مكروه اوزمانه = ويسعدك في كل حزه وكل دربن لانويته |
اقتباس:
العلوم اللي زمنها مستشيطٍ بحدوانه عندك رموزن عن المقصود لامنّي رميته شايبن ياخذمع الهقوات بالفكر سرحانه تقل ماهو واثقن بالليل لامنّي سـريته |
يكفي العود المبارك بس منطوقت لسانه = وغير ذلك ماحدن يجحد لفعله وطيب صيته
في حضوره او غيابه بالمجالس له رزانه = شيب عيني لو يغيب العود خلاني شتيته |
اقتباس:
وبوجودك خاطري مرتاح بأحلا عنفوانه=الله انّه يمدي بوقت السّعاده في مشيته |
بارك الله فيك يااللحالي يارع للمكانه= اشهد انك مستشار الراى لامني بغيته
وفي مثابت والدي نحسبك وبنفس الحصانه = ياعسى عودي وعودك بالجنان لهم المبيته |
| الساعة الآن 10:35 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
