تعال ياحرفٍ على البال ابرسمك=تعال ياللي يفتخر من رسمكا
وانا ضروري للجماهير اترجمك=ماكل من طالع لرسمك فهمكا
انت الجزاله واعتني فيك وانظمك=ولا كل شاعر بالجزاله نظمكا
ارفع مقامك في مكانٍ يكرمّك=واحفظ حقوقك كلها واحترمكا
مير اعتبرني في حياتي ملازمك=وافخر واماري فيك يوم اخدمكا
واحذر من اللي في زمانك يهاجمك=واصبح غريمك واشهد انه ضلمكا
ماباقي الا في حقوقك يقاسمك=لو كان سهمه مايعادل سهمكا
في داخل اسواقك وهمه يخاصمك=وابشر بيبطي منهزم ماهزمكا
خل السعه بالك ترا مايحطمك=ولاله علم مرفوع يشبه علمكا
ياصاحب الجوده بنينا دعايمك=على عزاز ومن يحبك دعمكا
وسيرتك فيها اللي نبا من معالمك=واحرق غريمٍ باللقى ما احترمكا
مير ازهله عندي وانا فيه ابخدمك=قدام تصدم فيه والا صدمكا
تعال ياحرفٍ زبونك مرهمك=مايدري انه يوم جابك عدمكا
وانته حديث ولا حضرنا تمايمك=لو اتفاخر ماتعالى هرمكا
حق الجزاله فاقده من قدايمك=عز الله انه ماربح من وسمكا
مير القضيه شرع ماني مصادمك=اما عطاك الشرع والا حرمكا
وانا الوكاد اني من الورث ابحرمك=ياللي وجودك صار يشبه عدمكا
=ناصر الشميلاني

المشاركة الأصلية كتبت بواسطة اللحالي الغيداني (المشاركة 3402) وانا ضروري للجماهير اترجمك=ماكل من طالع لرسمك فهمكا مع انها كلّها جنيهات الجنيه وأزود يشهد الله ماهو مجامله ايوالله يابو مناحي / افحمتني الله يجزاك خير (والله مدري مدري وهوماهو وعد) لكن صح لسانك ترليونات ياتاج راسي ياهلا

المشاركة الأصلية كتبت بواسطة ترانيم حربيه (المشاركة 3413) صح لسانك واعتلا شانك وسلم بنانك جزل وماتجيب الا الجزل يابومناحي بيوت من ذهب يالشاعر تسلم لاعدمناك ومااظن شعرالحداثه بتقوم له قايمه وانت خصمه ماشاءالله ربي يحميك

المشاركة الأصلية كتبت بواسطة معيض الضعيني (المشاركة 3420) صح السانك ابو مناحي واعتلا شانك وجزله من جزل لاعدمناك ياجنيه الشعر والسيل النحوت

المشاركة الأصلية كتبت بواسطة اصايل (المشاركة 3455) صح لسانك وبيض الله وجهك http://www.bentvip.com/up/20080405144945.gif