|
تهب الهبوب وينشي الغيم من منشاه
وتسمع رعد وتشوف برقه وهمّالي لعلّه على دارن بها الربع ينثر ماه حراوي سبعة أيام في قدرة الوالي وفي كلّ شهر إعيد ويزيد في عطاه كرامه من الله للعزيزين مسبالي |
يامرحبا في كلّ من يدرك الطّيب
في منتدى من يفتخر في شبابه وبكلّ منهم بالجزيره تراحيب أحلى من ثعول المطرمن سحابه ترحيبتي في مدركين المواجيب مع سمح بال وطيبةٍ مع حبابه |
صح لسانك وبيض الله وجهك
مدونه راااااائعه ياعمي جزاع تم التقييم^^ دمت بحفظ الله |
صح بدنك يابنت حرب
ـــــــــــــــــــــــــــــــــ واقول انا ليا ناظرت في زرق الانواط ترعش عروق الرّاس ثم أستشاطي ويلوفني مع التنرفز تخرباط ودموع عيني تنوصف بالشّواطي وان قمت ألاحق جمر ناري بملقاط مثل الهبيل اللي به ألانفراطي |
بسبب متمشعر بمقاصد تجاهي بأحد القروبات
يعني متمشعر بصفصفة هرج لذالك لم احفض منه شي قلت من باب المداعبه لهذا المتمشعر لكونه قريب يالشّاعر اللي ماقدرت افهمك زين حتّى لوانّي صرت معك متشانق انا اشهد انّك شاعرٍ تفضخ العين لكن جماهيرك لها الوقت خانق وش عاد لو لك بالغزل والمزايين وجبت البيوت بلابسات البخانق ذيك السّوالف رمزها بين قوسين وبين الكواكب يملكن الرّوانق يروق فيهن من صنوف الثّقالين متضيّفين مع الكوارع نقانق كلٍ يبي يقول وين الميامين اللي بجزل الذّوق لهم دوانق هذا القصيد اللي عليه البراهين بالارض فلواته سباق الغرانق ومع طائرات الميق واحد وعشرين ينفض جناحينه ومعهن يعانق والسموحه من الجميع هذا مايسمح به النشر |
صحيح من قال المعنا ببطن الشاعر
من يسلّم علينا يحيي الله نباه ننشده عن علوم النّاس ماهو غريب مير لا ينشد الشّايب ويبحث خفاه ثم تثور الثّواير في عصور المشيب |
يالشّايب اللي ضاعفاتن جهايدك
ماعاد فكرك واردن للغزا ير ولاعاد له مشلاع يثري حمايدك وعلى غزير اليمّ ماله سباير وحتّى ماهو متماشين في بدايدك يالله دخيلك عن كشوف السّراير |
الله يعطيك الصحه والعافيه
وانت كفو ^^يالشايب تقبل لقافة بنتك ^^ |
لاوالله تشريف ماهي لقافه يابنتي
الله يرفع قدرك ويعلّي شانك ويعافيك ويسترك اللهم صلي على محمد |
والله انا الي لي الشرف ياعمي جزاع
الله يطول بعمرك ومشكور على دعواتك الحلوا ^^ |
| الساعة الآن 03:59 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
