منتدى اللحالي - يالله بمزن

يالله بـمزن ٍ بـاول الـوقت مـدرار
عـلـى جـمـيع بـلادنـا يـشـهدونه

يرخي امتونه في غزيرات الامطار
خـيـرن رخـا لـين انـهم يـحمدونه

تـنشر اخـباره بـين طـرقي ودوار
وجـمـيع مــن شـافوه مـاينكرونه

تـبـقى بـطون الاوديـه مـنه عـبار
تـاخـذ ثــلاث شـهـور مـايقربونه

مــن ريـهـجان ٍ حـادر ٍفـيه جـرار
ومـحاش شـاله في مثاني اركونه

سيل ٍ يغيث الارض وتزين الاشجار
ويـطلع نـبات ٍ جف يبست اغصونه

يـكسي نـبات الارض ربـله ونـوار
مـتشابك ٍ مـن كـل نـبت ونـمونه

وتـلقى حـلال الـباديه فـيه نـشار
ويـنـسون بـيـاع الـعلف مـايجونه

دخـيــل الله الــحــنــيـنـي