|
سرهيد
يأهل المعرفه وينكم نبي لـنـا جـلـسـه سـوا
نعيد فيها الذّاكره يـوم الـشـبـاب الـفـهـلـوي جمّ الـقـراح الـلـي وردنـالـه و بـالـورد رهـوا طراة عـمـر الآدمـي وبـجـذب دلـوه يـرتـوي ذاك الزّمان اللي بـه الصّايد لـصـيـداتـه شـوا ونقول واحدنا بوصف اللي خذّ الليل سروي الذيب ليامنّـه رقـا في راس مـرقـاب و عـوا تراه ناوي مع مهب الريح في سـبـع الـجـوي و اليوم ياهل العرف سرهيد اللحالي انـطـوا واقول لـه مـن ماطرالي بالكلام الـفـوضـوي كان انت ياسرهيد في ممشاك خانتك القـوا اعرف ترى المخلوق في رجواه للخالق قوي لو كان ماحصّلت فـي دنياك لأسـقـامـك دوا عليك في ماصارلـك تـحـمـلـه فـالـمـرضـوي النجم يلمـع في سماه وكم طلع نجم و هـوا الدايم الخالـق وخـلـقـه لـه زمـانـه و يـهـوي هذا كلامي كان مـاحـد ٍ قـال لـي مـالـك لـوا بديت كلـمـه عـابـره لـعـل يـطـلـع لـي خـوي |
صح لسانك على الجزاله.. يديك الصحه يارب |
متعك الله بالصحة والعافية ياابو سلطان ومادام حبلك بالله قوي الحمد لله ماخاب من حبله قوي مع شديد القوي سبحانه
وصح السانك وتقبل مني هذه المحاوله مع غزارت بحر شعرك وامواجه اجـزلت يا سرهيد بالشعر وطيب المحتوا نجمك على جزل الفرايد عاليً يهوي هوي عــدً رهــاوي لابـدعت والـمستمع مـنه روا لـي الـشرف ارد عـلى عـدً بـدعته وارتـوي مـادام حـبلك بـالاله قـوي حـبلك مـاانطوا حـيل الله اقـوى حـيل هـو الإلـه المستوي بـالـعرش سـبـحانه مـن فـوق سـبعً اسـتوا الـكـون بـمـره سـيره فـيما يـشاء ويـهتوي الــلـي كــفـل لـرزاقـنـا واجـالـنـا فـمـا نــوا عـلى الـجبين مـحدده اي الفصيله ننطوي واحـوالـنا مـتفاخته واعـمارنا مـاهي سـوا امـــا شــقـيً بـالـحياه ولا سـعـيدً مـهـتوي واخـر الـكلام اردده يـحفظك شـديد القوا ومـادام حـبلك بالاله ابشر بحبل الله قوي مــــعــــيـــض عــــــلـــــي الـــضــعــيــنــي |
ياحياك الله يابو وليد صح بدنك وصح لسانك
وجزاك الله خير واخوانك المسلمين |
هذه مجارات اخي سالم وصلت على الوتس ياحياه الله وإليكم الاتي
يامرحبا ترحيبةٍ يامـشـابـهـن سـاق الـجـوا شامخ شموخه بالعلو اللي مكانه مـسـتـوي جيناك نبـغى للعلوم الـلـي مـن الـعـد الـروا هاك السنين اللي مراحلـهـا نحب ونـهـتـوي اجمل مراحل هالحياه اللي بهـا مـحـدٍ غـوا نحبها ونحب طيش العيش فيها يـاحـمـوي كل البشر راضين فيها كل شخـصٍ مـاحـوا احدٍ كسب فيها واحد يافلان فـيـهـا مكتوي والـيـوم يـاسـرهـيـد لا. لالـنـطـوى والانـزوا عيش الحياه بـمـرهـا وبـحـلـوهـا لاتـنـطـوي وهي هكذا الدنيا.يابو سلطان وهذا المحتوا ماطار طير(ن) وارتـفـع الا وقع وقـعـه دوي مادامت الدنيا لـذو الـقـرنـيـن بـالـدنـيـا ثـوا وثوا بها كسرى وشاهٍ شـاه مـحـمـد بـهـلـوي وانا تراني مستعد اذهـب مـعـك وادي طـوا وان كان تبغانا قريْب اكشت معك للمستوي (سالم العماوي) |
اقتباس:
يالاميره مرورك تشريف |
اقتباس:
|
اقتباس:
|
هذه مجارات. اخي. رجا. وصلت على الوتس إلى الاتي
صوت اللحالي يوم صوت في مسامعنادوا حاولت اصم اذني ولكنه بتـل بدوي دوي شاعـر يلملم مفرداتـه من حبيبـات الـهـوا حتـى يكـوّن درّةٍ علـى المهــارة تحتـوي ان اهتوى طيّرضرم من كان في راسه خوا لكن متى هالشاعر يحرك شفاه ويهـتـوي يشكي زمانٍ صلّفقه لين ان شاعرنا ثـوى سيقانه اللي كنها الناعور قامـت تـلـتـوي وانا شعرت بما يقوله من كلام وما حوى من هاجس زاويه عن حلمٍ يفكر بـه زوي وانا بعد مثل اللحالـي حيلي الجامد ذوا مشاركه بالمحتوى مع ان ماهو من ذوي يافالق الحبة ويامخرج من اوسطها نوا خفـف همـومٍ مكتويـنٍ كلنـا منهـا كـوي رجا جهز الهويملي |
الله يحييكم ياربي جميع والله ان سعادتي فيكم جميع لاحدود لها كفوكم الجزاله اللي ما تستغرب عليكم انتم أهلها صح الله ألسنتكم ياحرب
|
| الساعة الآن 03:02 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
