|
يامقيدين الحرف
يامقيدين الحرف
يا مقيدين الحرف فكوا سراحه = خلوه قبل إنه على نفسه يهون بعض المجامل مايفيد بصراحه = ونتيجته حرفٍ على غير مضمون ترى المجامل مايجي منه راحه = إلا يزيد جنون من كان مجنون وكل الحروف تصير عنده مباحه = ولاعاد همه قولكم لو تقولون تلقاه دايم حاضر بكل ساحه = وله ناس تعجب به وله ناس يطرون لين الهماج اليوم خالط قراحه = والكل صار بنظم الأبيات مفتون يالحرف ياأنتم تاخذون إستراحه = وألا أتركوا منهم عليهم تلوون ترى الحميه بالمواقف مباحه = ماهي الحميه لبيت ماهو بموزون أنتم سبب موت الشعر في مراحه = وأنتم على من يكتب الشعر طاعون والحرف منكم دامياتٍ جراحه = إلى متى وأنتم على الحرف تخطون خلاص يكفي وإتركوا له مساحه = وشلون يبنى الحرف وأنتم تهدون ماعاد للشعار والشعر ساحه = روح زمانٍ فيه للشعر قانون سعد تركي السمين |
صح لسانك واعتلا شانك
شاعر جزل ورائع ومبدع بيض الله وجهك ولاهنت ولك تحياتي وتقديـــــــــــــري http://haaarb.com/up/uploads/14084030871.jpg |
اقتباس:
صح بدنك يابو مناحي وماعليك زود الله لايهينك كلك ذوق وأبيض وجه تقبل مني كل التقدير |
يا سلام عليك ، إبـــــداع تسلم على مشاركتنا رائعتك وصحّ إيمانك وعلا شأنك . |
هذي الحميّه وإلاّ بلاش يابو تركي صح لسانك ياسعد
صادق والله الخيل لخيالها ؛؛؛؛ شاعر مافيك حيله يابن العم |
صح لساااااااااااانك يابطل^^
ابيات راااااااائعه نظم ومعنى دمت بحفظ الرحمن |
اقتباس:
صح بدنك أختي رجاوي والله يسلمك من الشر دمتي برعاية الله وحفظه |
اقتباس:
صح بدنك يابو سلطان وماعليك زود الله يحفظك وشهادتك وسام يشرفني ماتحرك الحميه إلا أهلها وأنت منهم يابو سلطان تقبل مني كل التقدير |
اقتباس:
صح بدنك يابطله وأنتي رائعه دائماً بمرورك دمتي برعاية الله وحفظه |
| الساعة الآن 11:46 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
