منتدى اللحالي - سرهيد والشمال

حبايبي الجميع صار لي سبب لروحه للجوف ودياره ؟ و اناماشي من القصيم طرت التغريده الاتيه وغردت بها على الكيبرد وانا ماشي وتطرقوا لها بعض ناس بردود مشكورين لذالك انزّلها هنا كماهي مع اجمل التراحيب

الهرش لياجبت له طاري طريق الشمال
قام إتخفخف و للخطوه يحـث جـهـده
؟.......
ثم مرّحايل على دربـه بـذيـك الـجـبـال
و انا يديني تغـازل بـالـحـذر مـقـوهـده

ماكـنّه إلا من البيداء يـصـيـبـه اجـفـال
يالله طلبتك تحـقـق لـلـجـفـول سـعـده

اللحالي سرهيد

من ابيات

وفي رجعتي من الجوف ووصلت حول جبّة حصل خلل بأحد مقصّات السوبر... انا مسميه الهرش نظراً لقدم مديله وبعد وصلت اوّل محط بحايل بليل و بين هواجس ؟ امر حايل وامرح واصلح الخلل او اواصل مع السريع للقصيم اقنعت هاجسي بأن امشي مع مسار الشاحنات ومع الليل قلت الابيات الاتيه

اقول؟

يـاهـاجـسـي لا تـطـري ديـار شـمّـر
تـراهـم اللي سـمّـيـوا بـالـلـحـيـسـه

اكـثـرهـم الـلـي بـالـكـرامـه تـوامّـر
وشرّ الملاقاء اللي تشايط وطيسـه
؟......
ليا صرت بمـجـازا الـكـرم مـاتـذمّـر
وان الثـرى مـتـوغـلٍ بـك يـبـيـسـه

خلّك مع الـخـط الـسـريـع الـمـنـمّـر
لوكان ممشى الهرش يشبه بنعيسه

واقدع مع التمرات خـبـز الـمـجـمّـر
مع جغمة الماء ماش جغمة مريسـه

وتـبـي تـيـسّـر و الـهـديـم إيـتـعـمّر
والعـارض اللي صـار نلـعـن ابليسـه

لا شـك لا تِـطـري لـحـائـل. ماينـمّـر
من شان شرهات الرّجال الونـيـسـه

جزاع حمدان الغيداني الحربي
المعروف بـ اللحالي سرهيد