منتدى اللحالي - عِلْمْ ثاني

::: (( مزعم الكمي )) :::
اللحالي كل ما حاولـت اصـد جيوشه = غير الخطه وجاني له بعلمٍ ثاني
خابره ماهو من اهل النيه المغشوشه = واتطمن له لانه حربي وغيداني

::: (( اللحالي الغيداني )) :::
يا عميل الخير مثلك حالفٍ ما أنوشه = مير مطلوب الحذر من مصدرٍ يخفاني
كلّ ما جتّ غارةٍ من عندكم منحوشه = لازم أعرف هو صديق أو واحدٍ قوماني

::: (( مزعم الكمي )) :::
انت عاقل بس مدري ليه تبغا الهوشه = ياللحالي اذكر الله وادحر الشيطاني
انت تبغاها مماسك حلق والا شوشه = وكان تبغاها مسابق قدمك الميداني

::: (( اللحالي الغيداني )) :::
كلّما يطري على بالك عليك فتوشه = ولاانت جاهلني تعرف الشّايب الهوشاني
عارفٍ هدّاج تيما في روات عطوشه = مـن ورد هـدّاج ما صـدّر وهو عطشاني

::: (( مزعم الكمي )) :::
ماطرى لي غير عضوياتنا الملطوشه = المدير العام سكّر دونها البـيـباني
ياللحالي ضيعوا مجهودنا بالطوشه = انهدم بيت الردي ماهو على سيساني

::: (( اللحالي الغيداني )) :::
خلّ راعين الردى ما لك ومال الدّوشه = البقى في راسك وروس أطيب الإخواني
خلّ من لا تفرقه بالطّبع عن قرفوشه = والله إنّي ما حسبت حساب للرّدياني