|
موضوع الخطاب
ياللي من العنوان تفهم كل موضوع الخطاب
ابي انشدك عن ناس ماني فاهمن سيراتها صحيح مايطري على بالي تحاسيف وعتاب لجـل الاوادم مـاتشـابه في طـمـع غـاياتها لكن تعـيّدنا بعـيدن فـيـه.. نوّخنا.. الرّكاب وروحات سرح أركابنا ماهي مثل جيّاتها وابديت من فكري سوال و لاتبين لي جواب والصّحف ماهي صادقه في محتوانشراتها بأعلومها كنّك بشمس القيض تطردلك سراب في قـيـعـةٍ مـدّ..البصـر مـتسامكه غـبـراتها ماضي لها مدّه وهي ماشافت غيوم السحاب متى المطر يدرج على القيعان من تلعاتها الله يـعـدّل مـايل الاحـوال لو فيه ان سـيـاب لين النّفوس اللي تزغرد تكتمل فرحاتها لوقلت لي يوم الوطن عيدالوطن يابوالشباب اقول.. لك كيف.. الدّلايل بالشرايع هاتها وش حال كبد أم القتيل اللي خذت فيه الخياب من بعد فقده تنشر الحسره على جاراتها وان قلت تلقالعلم عند اللي يفتّش فالزّهاب قلت الليالي ماتدوم ل من نسي فجعاتها لكن تجاوب في كلام الصّدق يامال الرّعاب مايقطف الارواح غير اللي بداء منشاتها وش حالة اللي راح ابوه وجيب يدفن بالتراب و الزّوجه اللي في مهبّ الرّيح في لوعاتها و اشوفني وأيّاك بالوتساب ومراسل سناب عبر..الوسايل..بالقصايد... شايدين.. ابياتها خسارةٍ حياة...من ..عنه...الأعادي..ماتهاب بـعـض النّفوس استر لها تغـيب في مماتها |
صح لسانك وبيض الله وجهك ابدعت والله يديم علينا الامن والامان ويحفظنا من كيد الاعداء أحترامي وتقديري |
امين يابنت اخوي
الله يجزاك الخير اصايل والمعذره منّك ومن الجميع؛؛ عشان بعض المواضيع الكتبها من الجوال مباشره لذالك ينقصها التنسيق وقد يحصل اخطاء وهالابيات جاءت بسبب وهو في يوم الخميس عيد وطن وتحرّك قوّات من الحرس لنجران والحدود هناك الله ينصرهم وانا تعرفون غزارة تعبيري البعض قد ينتقدني فيه المهم مشكوره مديرتنا الاميره وياهلا بالجميع |
قلت فاجزلت ولايستغرب الجزل من أهله وبيض الله وجهك العم أبو سلطان
وصح السانك والله ينصر حمات الوطن ويديم نعمة الأمن وتحياتي وتقديري لشخصك الكريم |
آمين؛؛ ابووليد الله يجزاك الخير يابن العم
ومشكور بالاشاده الجزله من الجزل وان شاءالله ان جنودنا منصورين بالدفاع عن الوطن وخدمة الحجاج يالله لك الحمد |
صح لسانك يابو سلطان..قصيدة جزلة ولاتطلع إلا من جزل
مبدع دائما... |
قصيدة في منتهى الروعه
وبيووت من ذهب ومثل ماعودتنا الجزالة يالجزل بس اثاااريك قاسي بعض المرااات يالشايب في نقدك الله يحفظ بلادنا من كمل شر وينصر جنودنا المرابطين تقبل تحيااااتي |
حياك ترانيم
الله يجزاك الخير واخوانك المسلمين يابنت اخوي انا حليل هههههههه والله ياجرك تجاه المجاهدين والله ينصرهم آمين |
اقتباس:
حياك الله ابو محمد وكفوك الجزاله وامثالك ماعليك زود ياخوي وبالجميع ياهلا |
| الساعة الآن 06:17 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
