|
يالقصيم
يالقصيم.السّيل مبحرفيك من جزل العطايا
و الملك سلمان. شرّفك. بجزيلات..المناوي الزياره...و المشاريع...العديده...و الهدايا انت تستاهل عطامبذول من يمنى صخاوي انت.. ناسك.من قديم و للوفاء فيهم مزايا ننشد..التاريخ... يالقصيم..لو نبي..الفتاوي يالقصيم....و يامناطق..مملكتنا... بالنحايا الله اللي جاعل(ن) فيهم. جزيلين السّعاوي كم عرفت بسفرة الرّحلات في مدن وقرايا في تمجوال النّهار.وكان في ليلي...سراوي الوطن...ياحلو..ناسه. بالظّواهر و الخفايا والعلوم اللي لأبو جزاع..مسديها.. نجاوي من عصوراللي بتوحيدالوطن قاد السرايا لين ودّعني وهو يوصيني..أكون الوفاوي للوطن واللي بتاسيسه على ظهورالمطايا لين عهداللي بعزم وحزم مجهوده رهاوي ياللّه انّك تسنده باللي سليم من الخطايا من ولي العهد.للي في كتاب الله.نشاوي اسرة...التّوحيد... بالتبيان..مافيهاخبايا وجيشهم درع الوطن ومقدّساته مايراوي انشدواحجيج بيت الله من أنظاف السّجايا يشهدون لمن سعوابالامن بثبوت الخطاوي قبل فترة. حكمهم.. أشتات و ذيابه..عوايا رغم..وِجد أحكام لكن ماتعادل.. بالقضاوي الله أعلم في خفايا النّاس و أهداف النّوايا و أللّه أعلم باللي.يطبّقك يالشّرع.السّماوي |
الله أعلم في خفايا النّاس وأهداف النّوايا
وأللّه أعلم باللي يطبّقك يالشّرع السّماوي الله الله صح لسانك يااللحالي ياابوسلطان ياالغالي |
صح لساااااااانك وبيض الله وجهك يا ملك القوافي احترامي وتقديري |
صح السانك يا ابو سلطان وإعتلا شانك مبدع ياشايبنا واستاذنا لاعدمناك
|
اقتباس:
تسلم يالامير نعم نعم مثل مأنت فاهمه يالغالي ماشاءالله عليك ياشاعر السّواجع لو تتحفنا بسجوعك وانت على تديّنك شيخ دين وشيخ تربية اجيال وشيخ كرم وشيخ شجاع يشهد الله واتحفنا بشيخة القوافي لكن ترى ماكل الناس يفهمونك باللغه اللي انا خابر هههههههههههه خلّك بمايفهم الجميع تحياتي ياعضيدي والجميع |
اقتباس:
الله يجزاك الخير ومن يعز عليك لكن كلمة ملك القوافي ماتشوفين انّها كبيره على الشايب البدوي ههههههههههههههههههه انا خايف تستزهفني قرنوسه واشوف حالي،، حول،، زحل و جيرانه ثم عاد كيف النّزول الارض ماعنها غناه يابنت اخوي |
اقتباس:
الشايب انت،،، انا توّي ماطلعت سنوني الله يجزاك خير ومن يعز عليك ههههههههههه يقول شايب ايامال الرّبيع بسدر فياض لينه |
صح لسانك يابو سلطان جزله من جزل
وأهل القصيم يستاهلون وأنت أولهم تحياتي وتقديري لك |
اقتباس:
يابو تركي جزاك الله خير على االاشاده شرّفتني فيها الله يشرّف مقدارك ومن يعز عليك يالغالي بك وامثالك ملايين هلا |
| الساعة الآن 06:55 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
