وقفه مع الوتسات
 

حبايبي احببت اطرح هذا الموصوع لمافيه من فوايد

عبر ابيات متنوّعه ليست لي وانّما تاتيني عبرالوتس

ولأعرف اهلها هل هم المرسلين أم غيرهم وفيها

تذكير وعبر ومواعض و اردت طرحها للأستفاده


قولو لمن يشكي غرابيل دنياه
لاعاد فالدّنيا يضيّع صلاته

من ذاق لذّة طاعة الله وتقواه
ماعكّرت سود الليالي حياته

نعم نعم

الكرم والطّيب مايعرف إلاّ الطّيبين
والرّدي محدٍ يبي لاغداه ولاعشاه

الكفو مفتوح بابه على طول السنين
والرّدي ماينفتح بابه إلاّ في عزاه

صحيح صحيح

احيان تلقى جميع النّاس يغلونك
واحيان تبكي على المعروف والخوّه

آيوالله خاصةٍ هالايام
للديسه وظبى وحقل
ياللي فاهمين قصد
الشّايب
والبقيّه معذورين
هههههههههه

ضيقتي في غيابك فوق ماني جريح
كنّها ضيقة اللي فاقدن له بلد

وفرحتي في وصالك لابغيت الصحيح
مثل فرحة عقيمن بشّروه بولد

مساكين العاشقين

وهني اللي بذكر الولي وقته ملاه
طاهرن قلبه على الناس ماعمره حمل

كلماسمع المنادي ينادي للصّلاة
فزّ للمسجد يسابق على خير العمل

مستفيد بأذن الله

لا يابنتي لكل من لديه وتسات مماثله

يستفاد من محتواها تسلمين الله يوفقك

الضّيقه اللي مالها عذر وأسباب
ماهو صحيح تجيك من دون سبّه

امّا من الايام او غدر الاحباب
وإلاّ قصور العبد في حقّ ربّه

تسلم ياابوسلطان موضوع رااايق وحلو

والله منت بسيط يالشايب ياشيب عيني من بعض الناس شيباااه

سلمت ودمت ياجدي انت

في هالزمن عيت تحقق منانا

واحلامنا طارت مع هبت الريح

يالله يالي عالم (ن) وش بلانا

اسئلك تهدينا لركعه وتسبيح

من بوووحي




وقتٍ تغير فيه مفهوم الأصحاب

وخلا الخوي ماعاد يأمن خويه

لوكان يضحك له من الناب لنّاب

يضحك مجامــل والنوايا رديّه

انا اشهد انه تغير




باب الردى معروف فوقه علامه

ما يدخله غير النذل والهوافي

وباب المراجل فيه عز وكرامه

ما يدخله غير الكريم السنافي

والنعم والله

أربع أماني ليّ وطالبك يآرب
حقق على قدّالرجاء أمنياتي

الأوّله ارحم ليّ الآمّ والأب
والثّانيه أسعدني باقي حياتي

والثالثه تجمعني مع من أحب
والرّابعه أموت وانا بصلاتي

امنيات مؤمن

ماني بنفسيّه ولاني بمغرور
أضحك مع العالم مملي غرابه

ان جيتني مكسوربتروح مسرور
وان جيتني مسرور تلقى رحابه

معاصر؟؟؟؟؟؟

مملكة سلمان فيها الحزم عاوي
يردع المخطي ويعدل كلّ ميله

يمسي الرّجّال بالبشت الحساوي
ويصبح ليا أخطى بسروال وفنيله

تقلّبات اجتماعيّه

ياربي اغـــفر كـــل ذنبٍ جـــنيته

من ساعة المولد الى ساعتي ذي

انت الوحيد اللي سجدت ودعيته

يامخرج الميت اذا شئت من حي

\\\\\\\\\\\\\\\\\\\\\\\\\

ياصلاة الـــفجر والنيه ســعد

والدعاوي تاصل ببرد وسلام

من يصلــيها على وقته وجد

خير من ربه ولا يلقا مــــلام

\\\\\\\\\\\\\\\\\\\\\\\\\

نستحلي الدنيا وهي طعمها مر

ونفـــوسنا في كل حاجه عيوفه

حتى الرفيق اللي له ايام مامر

مــانعــذره ولا نقــدّر ظـــروفــه


-------------------------