منتدى اللحالي - ياللي تبي تعرف

ياللي تبي تعرف الدنيا وامانيهإ
سير على بيت طين انهد جدرانه

وين البيوت القديمة وين اهاليهإ
اجدادنا وين وين الشيخ واعوانه

كم نفس عاشت وشربت من سواقيهإ
وكم عين نامت وقامت داخل اركانه

راحت نفوسن كريمة عند باريهإ
راحت لربّن عضيم وعاليٍ شانه

واليوم جتنا امورن بان خافيهإ
ترقص على دان دانه ليل يادانه

بيوت بانت وطالت في مبانيهإ
وبطون من حشة العرقوب شبعانه

ماعاد تلقا الاوادم من يحييهإ
الجار قفا وقفل كل بيبانه

ناسن من الخسبله كبرة علابيهإ
وناسن يادوب العشا لامة ورعانه

رجلن يطيع المرة وامه يخليهإ
ورجلن يحط الضهر مركا لشيبانه

بعض القرايب اذا كبرة مخابيهإ
يشوف ربعة حسافة تحت سيقانه

المرجلة عن ولد عمه يخبيهإ
كن القرايب بعينه هم عدوانه

ولاجاتني زلّة الصدقان اعديهإ
اقدّم العذر مأتبع زلّة لسانه

عندي امورن على نفسي ابديهإ
ارضاء ربي يمد العفو واإحسانه

ونفسي على سنة الاسلام اربيهإ
اعوّد،،، النفس تتبع كل اركانه

والام من قدرهإ وش لون نرضيهإ
البيت من دونهإ هشات عمدانه

يارب ياعالم الانفس وخافيهإ
تبصر قلوبن عن الطاعات عميانه
،
وسلامتكم / ابو عزام
بدر ضاوي الحربي 🏒