|
بين اللحالي وخدين الليل
اللهم إنّي بري ههههههههههه يا حبايبي الشايب ترى بس يكتب ولا له دخل بالمحاوره المحاوره بين اسمين ؛ ما يصبرون عن هواش بعضهم خدين الليل :m (4): أنا خدين الليل والمـسرى يبـي من يروجي ما هو على كيف السراوي بالفجوج وبوجها ما أقول يالأوسي لزوم إنّك تخاوي خزرجي أقول يا طروق اللحالي كيف عـدل اعيوجها اللحالي :m (3): ياللي تقول إنّي تحت ظلماي شبّيت سرجي بالغبّه اللي من عتـوّ الرّيح يسمك موجها الله عطاني علم بالسلطان وأعرف مخرجي مهرات فكري للمعـارك جاهزات سروجها خدين الليل :m (4): لكـن ليا نـادوك بـعـض النّاس خلّك بهرجي واحذر من هروجن يلومونك بقصد سموجها ثم يكشفون اللي ورى الخطوات ياللي تعرجي يا مـدوّر البهجـه تبـي يفـرح بهـا مبهوجها اللحالي :m (3): البهجه اللي كـود ناصلها بدربن عروجي ماهيب سلطانة جمال الكون حطّت روجها خـذ علم بروتها وتصنيفاته من البروجي يعطيك عن كثر النّعايم كمّ حسايب فوجها خدين الليل :m (4): قـطـع الفيافـي مـا يهـمّ اللي تعــوّد خلوجي يالشّايـب اللي بيـن شويانن تحـوش نعوجها حتّى لو إنّك في سموم القيض شفتك فروجي مـدري عـن أدغال الطّفاليّه ومن في حوجها اللحالي :m (3): اللي على النّيات متعـوّد ما هو متهروجي الصّمت حكمه يرقي الهقوات فوق بروجها لا تحسب إنّي يا خدين الليل بك متحروجي ترى البنايج ما تطيـل الوقـت في مبنوجها |
ههههه صح لسااااانك فكره حلوه مره مع سرهيد ومره مع خدين الليل وعمي جزاع ماله دخل ^^بالهواش :3 (12): تقديري |
اصايل الله يجزاك الخير واخوانك المسلمين
شفتي انّي حليل ايه المعافاء بنعمه لكن بعض ناس يتهمونني الله يهديهم |
هههههههههههههههههههههههههههههههههههه
جدي انت كم عندك من قرين انا ماقدرت عليك وانت لحالك تقوم كل يوم جايب واحد منهم تراد انت وياه بس كل واحد له ميزه احس سرهيد شخصيته قويه اما خدين الليل يالبااااا قلبه احسه رومنسي اما اللحالي ابن حلال وطيب الله يعيني عليكم بس هههههههههههههههههه |
اقتباس:
:m (5)::m (4)::m (3): هههههههههههههههه باقيه قرنوسه وسرهيده الله يجزاك الخير ي ترانيم وعمامهم وخوالهم واحفادهم هههههههههههههه قبيلةٍ ياكثرها في نجد وجبال الحجاز ولياتناخوا بالسّفر ركبواعلى مزن السّحاب:r (14)::r (13)::r (10): |
صحة السنتكم طاروق رائع
بين شعراء عمالقه حتى انا بري بيض الله وجهك ولاهنــــت ولك تحياتـــي وتقديـــري http://haaarb.com/up/uploads/14084030871.jpg |
الله عليك
صح لسانك ودي لو تنقل لنا محاوراتك مع الشعار ان وجدت مع خالص التقدير والتحايا همسة / جميل جدا محاورتك مع نفسك ماشاء الله عليك قادر على التفاوت في الفكر وكانك تحاور شخص أخر دمت ودام عطائك |
اقتباس:
ووجهك ابيض وصح بدنك مديرنا الغالي ومثل منت شايف هالشعار قال عمالقه ايه ههههههههههه الله يجزاك الخير |
اقتباس:
الله يسلمك ياهمس مشكوره والمحاورات موجوده بقسم المحاورات وبقسم المساجلات مع الشاعر؟ وبحاول رفع لو وحده انا انسان مشاغب قصدي حبيب |
| الساعة الآن 04:36 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
