منتدى اللحالي

منتدى اللحالي (http://allahale.net/vb/index.php)
-   مساجلات (http://allahale.net/vb/forumdisplay.php?f=3)
-   -   ارسلت مقطع (http://allahale.net/vb/showthread.php?t=3547)

اللحالي 06-30-2019 12:16 PM

ارسلت مقطع
 
اهد الي والدي الشاعر ابوسلطان جزاع حمدان اللحالي الغيداني
عند ما ارسل رسالة وتساب تذكرني بالماضي

ارسـلت مـقطع فيه كل افتاراضي
بـرسـالتك هــذي بـحث الـخوافي

وانـا على مهياف جاني اهتياضي
يـــا عـمـنا جــزاع هــاك الـقـوافي

بـكّيتني يـالعود في شوف ماضي
روح وراحــو كــل عــودً اسـنـافي

يــوم الـنـوايا الـطـيبه والـتراضي
والـود والإخـلاص والـقلب صافي

الـجار مـع جـاره بـدون اعتراضي
وكـل الـعلوم الـغانمه بـه اتـشافي

والـيا حـصل مـابينهم بـه تـغاضي
والـمعضلات اتـحل دون اختلافي

وانـته مـن الـلي للمكارم اتحاضي
وعـاصرت وقـتً بصمته بالنوافي

عايشت دور أهل البيوت العرضي
ربـــي يـمـتـع صـحـتك بـالـعوافي

مـــعــيــض عـــلـــي الــضـعـيـنـي
.............

حياك الله يامعيض وتقبّل مردّ الشايب ياهالولد
والسموحه بالقصور منّك ومن أعضاء المنتدى وزوّاره

يابو وليد.. العود... صابه... نفاضي
يوم. استعاد. اللي بحث. بالعجافي

على. هل. الحاضر. يسمّا أمتعاضي
و إلاّ. هل. الماضي بقيس.. الكفافي

يامعيض. تعرف من تعكّ الحياضي
ياواضع... العنوان... على.. الغلافي

لاتنتقد شايب.. بدو.... وأستهاضي
يسرح بهوجاسه.. ببحر.. الحسافي

على الزمان اللي قضوه. الحظاظي
في. طيبهم... مع بعضهم بأكتتافي

و اللي تذكّرهم.. شعثته... شواضي
يقصد.. بفكره... مبحر.. الأنجرافي

تلعب.. به. الامواج... بالإختضاضي
ولاشاف شاطي... لو بليّا.... مرافي

ودّه. على.. المشلاع.... بالإنتهاضي
مع.. الضباب.. اللي.. بناه...الكثافي

و هبّت...عليه الرّيح... بالاغتلاضي
يبي.. معه.. مسراه.. و الله. يكافي

وأليا أرتدم. ركم المزن واستفاضي
بأيّات... وجهه... تخرجه...للفيافي

ينشي. مع. الامزان و البرق.. ناظي
بين. القنوف اللي همرها.. الرّعافي

يبي... يمرّ . جبال.. بين...الاراضي
وياقع. بهن.. بضيافة... الإضتيافي

ومع السواد. اللي.. رديفه.. بياضي
يقول... هذي... بصمتي و أعترافي

اللحالي

معيض الضعيني 06-30-2019 03:02 PM

صح السانك ياوالدي اللحالي وكفيت وفيت ياابو سلطان الله يطول لعمرك على طاعته وأرضاه وصح لسانك وإعتلا شانك لاعدمناك

اصايل 06-30-2019 06:57 PM


صح الله ألسنتكم وبيض الله وجيهكم
احترامي وتقديري


معيض الضعيني 06-30-2019 07:36 PM

اقتباس:

المشاركة الأصلية كتبت بواسطة اصايل (المشاركة 20373)

صح الله ألسنتكم وبيض الله وجيهكم
احترامي وتقديري


صح بدنك وسلمتي دمتي أصايل وهذا من طيب ذوقك وحسن منطوقك لاهنتي


الساعة الآن 02:17 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved. منتديات