الا ياليل خبرني عن الي فارق ........ الخلان
ينام الناس وانا عيوني تبات الليل سهرانه

اذا شفته ينجم سهيل قله صاحبك.... عيان
وقله لا تبيع الي غلاك يسري..........شريانه

حبيبي لا تعاتبني اموت ان جيتني.... عتبان
قلبي الوافي لحبك ماباع الود ولا...... خانه


فراقك جرح الخافق ولاني لحبكم ... نسيان
قلبي مسكنك عرشه وانت اغلى ..... خلانه

كتبت القاف لعيونك وانابك عاشق هيمان
اذا قلبك هجرني يوم تبات الروح .. ولهانه

زمان الوصل واحشني حبيبي ماني بنسيان
عيوني تنزف دموعي وقلبي وروده ذبلانه

تعال انقذ بقايا قلب في بحر الهوى غرقان
وروحي مارتوت من نبع غلاك وحيل عطشانه


بقلمي
سحر المساء