حيّ الله اللي كل ماقول أعطني جزل العلوم=يجيب لي جزل العلوم اللي بعيد اسروحها
ماهوب طرّاد السّراب اللي على جرد الحزوم=تطرق عليه العين لكن ما تجمّل شو حها

الله يبارك فيك ياذيبٍ على الطاله عزوم=والمعرفه تصعب على اللي مايطول صروحها
اهل الفضاء ياصاحبي فوق الكواكب والنجوم=واهل الجروح الداميه منته طبيب جروحها

يامرحبابك ياهلا ياللي ليا قمنا يقوم=ماهو بجاهل في مقاصيد العرب وشروحها
بالموقف اللي مثل مابين المدافع والهجوم=مايبتحل بالكلمه اللي غامضن منضوحها

دام البقى ياشايبٍ قسمك من خيار القسوم=تستاهل الفنجال من دله جديدٍ فوحها
مايعقب الساقه يابو سلطان ياغير الرخوم=اللي ماتدري ويش جد اهل الوفا ومزوحها

اليوم شفت اللي يظلل هامته فوق الغيوم=والشمس ساطعةٍ على الهامه بحامي ضوحها
وانا آتعيّن في مقاسات الجسايم والحجوم=ومداخلات احجام عيّا لايبين ابروحها

اللي يتحلم في منامه روعه بعض الحلوم=ماكل ورقى ياللحالي نستمع في نوحها
ان طعت شوري لاتدقق في جميعات الرقوم=بعض العرب من شوفة القناص راحت روحها

الله يستر يابن عمّي من حلومن بالقيوم=وصلت على روس الجبال العاليات سيوحها
وانا أمسح نزوف العرق بالباقيات من الكموم=والسّالفه مانيب عارف كيف حال انجوحها

هذي دواليب الزمن والستر ياجعله يدوم=والا العرب ماعاد تعرف سبها وامدوحها
مايمك الا الخير يابو زيد والوضع محسوم=قصه ترى منته بذابحها ولا مذبوحها