|
قصة حلم
ياليت للمولوع بالجوّ مشلاع
من بعد مايكتب لروحه وصيّه اللهم اجعله خير حبايبي الجميع؟ السلام عليكم ورحمة الله وبركاته وبعد حلمت انّي انا وابن العم الشقيق؟ عبدالرحمن بن حجاج الغيداني https://e.top4top.net/p_8037dff10.jpg وانّي في ربعة بيت شعر آي شق البيت المخصص للرجال وابن العم في ثامة البيت يوقد النار ليصلح قهوه ويقوم بأحضار اواني القهوه الدلال ثم جاءت فتاة قرنوسيّه آي بالحلم وتحايدت عن ثامت البيت الموجود بها ابن العم وناولتني من فتحت الرّواق شماغ احمر وعلى احد ذيوله مكتوب قصيده عرفت قافية الصدر على (ع) والعجز(ه) ولم استبين محتوى القصيده وتنبهت وانا احسست ان ابن عمي حاسس بمجيّها ولكن فضّل الحياد وأيضا انا حاسس القصيدة مجدان غزلي ولكن على اسلوب مسيوق من ثقل إلى ثقل وإلى الاتي ياليت للمولوع بالجوّ.. مشلاع من بعد مايكتب لروحه وصيّه هذا البيت جاء اثناء الحلم على قافية القصيده القرنسيه؟ اقصد فتات الحلم واكملت بعد صحوتي؟ باللي لمحته وصفة اثمان واسباع في شان ....تسرمادة...الغشمريّه يابو براهيم..اسمع ..ابيات جزّاع على .أساليبن.. ماهيب... ابشريّه اكيد انّك حاسّ ن بوضع الابشاع واللي حصل باقي.. بفكري.. دويّه وجعلني اخذ بالتّعمهاج ...اسجاع واللي.. تسبب...لي جهلت... بنويّه شفته وانا جالس ولا شفت مفراع مثل الضّباب يحول.. دون.. الرّويّه واشوف لك عندي حركات الاسناع شبوب... نار...و بالدّلال... ..العذيّه وامسوين نفسك مع الغفل..مطواع وإلاّ انت عارف.. بالنّديم...و مجيّه اللي عطاني ملبس شماغ... مذواع على حدا.. ذيوله...قصيده....نجيّه ماهو.... مبيّن.... بالمناجا... تمذياع يبي... يتفرّد... بالخوي... عن خويّه وصحيت من نومي وانا تايه اسناع في وصف.. منهو..ماعرف من ذويّه |
اللهم اجعلة خير ياعمي قرنوسه معك حتى بالاحلام لا وقرنوسيه بعد بسم لله الرحمن الرحيم :3 (12): |
اللهم اجعله خير
ايوالله صادقه .. اصايل حرب القرموسيه مامعها كلام بنوب لكن ليه ماقلت لوبيت من قصيدتها يالشايب هااأااااه |
[quote=اصايل;19451]
اللهم اجعلة خير ياعمي قرنوسه معك حتى بالاحلام لا وقرنوسيه بعد بسم لله الرحمن الرحيم :3 (12): [/quote حياك الله اصايل حرب الله يجزاك خير ي بنت اخوي نعم قرنوسه وقرنسيّه انا اسميتها بذالك عشانها تصدف لي على شكلين بتخلّقها على خلقه مثل السعوديات الكاملات الحجاب وخلقه على خلقة غير انسيّه أمّا التسميه بقرنوسه اوالقرنسيّه فذالك جاء على بالي من حركاتها حسب مأراها فأحيان اراها بتحرّكات كالقرناسه من الصقور واحيان كألقرانيس من الشّعر حال مداعبة الهواء لهن وهذا سبب تسميتي لها بذالك أما هذه المرّه رطقاء دقاقه هههههه الله يكفي شرها كثير من صدفاتها ماحبّ ابيّن تفاصيل مايحدث بيني ويّاها عشانها كثيرة الميول للسياسه ههه الله يدفع البلاء |
اقتباس:
حياك الله ابو ريفه الله يجزاك الخير واخوانك المسلمين أمّا عن ذكر شي من القصيده ههههههههه ماحبّيت ذالك صدقني عشان فيها مديح فوق المالوف وفيه مصتلحات كلاميّه لاتفهم عند الكثير من الانس مثل (مجماح) يعني مقدام ومثل (صلهام) يعني صليب الرّاس ومثل (مفكار)يعني باتع التّفكير وغير ذالك كثير وبيني وبينك وماتعلّم احد من أوّل نظره على ابياتها صار مثل الضّباب ومارغبت اتحقق منهن ههههههه ولاتدقق على الشايب ديربالك هاااه |
| الساعة الآن 06:01 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
