يـاســنــا كـــــل الـجــواهــر يـــــا ذهــــــب=شفـت جـده غيـر بـس النـاس غـيـر
جـيـتـهـا يــــوم الـخـمـيـس اول رجـــــب=مـنــتــدب ونـــــا بـــهـــا مـــانـــي خــبــيــر
قـلــت مـــا لـــك يـاولــد غــيــر الـكـتــب=ورحت متـل النـاس فـي يمـة جريـر
ســـــــارح بـــيــــن الــمــاثـــر والــخــطـــب=بـيـن كـتــب الاصـمـعـي وبـــن كـثـيـر
مـاوعـيـت الا عــلــى رمــــش وهــــدب=كــــــن قــلــبـــي يــمــهـــا يـــبــــي يــطــيـــر
قــــلـــــت يــاقــلــبـــي بـــــــــلا قـــــلـــــة ادب=قـــــال تـكــفــى قـــلـــت والله مـايـصــيــر
انــت مـايـجـوز لـــك طـيــش وشـغــب=الـشــغــب والـطــيــش خــلـــه لـلـدشــيــر
قــــال والله لاشـتــكــي وارفـــــع طــلـــب=يــــم هـيــئــة حـــــق تـقــريــر الـمـصـيــر
قـــلـــت لـــــــه مـايـنـفـعـونــك يــاصــعـــب=مانـفـعـوا شـعــب تـشــرد بـــا الـهـجـيـر
مـــايــــرد حـقــوقــهــم غـــيــــر الــــحــــدب=سـيـف ابــي طـالـب وخـالــد والـزبـيـر
الــمـــهـــم أنــــــــه تــــراجــــع وانـــســـحـــب=قـــــال انـــــا رهـــــن الاشـــــاره يـاكـبـيــر
ويـــوم ثـانــي رحـــت والـغـايـه رطــــب=وجــيــت لـلـدانــوب والــحــزه عـصــيــر
وجـن ثـلاث مـن صدفـهـن ماكـسـب=اخــلــفــنــي بــيــنــهــن كــــنــــي غــــريـــــر
مــادريـــت الا وانـــــا شــــــاري عـــنـــب=تـــاهـــت الالــــــوان بــعــيـــون الــنــذيـــر
قـــلــــت يالله كــلــهـــا خـــيــــر ووجـــــــب=نـشــكــر الـمـعـبــود بــالـــرزق الــوفــيــر
ويـوم ثالـث قلـت ابـشـري لــي كـنـب=ورحت سوق البدو من بعد الاخبر
وصـدفـتـنـي عــنــدل تـمـشــي عــجــب=مــادريـــت الا قــــــدم رجـــلـــي تــســيــر
كـنـهــا نـجـمــه عــلــى حـفــلــة طـــــرب=اشــهــد أن الــزيــن جـمــهــوره غـفــيــر
جـنـبـهــا ذاك الـطــويــل ابـــــو شـــنـــب=يـاكــبــر زولـــــه كـــبـــر زول الـبـعــيــر
غيـرتـه بـــالارض مـلـعـون الـعـصـب=كيـف يرضـى بالمخصـر والقصـيـر
قــلــت لــــه تــبــت يــــدى ابـــــي لــهـــب=فـــي شــقــى يــــوم عــبــوس قـمـطـريـر
لـعـنـبــو حــيـــك تــــــرى حـــنـــا عــــــرب=اســتــر الـمـجـمـول مـقـطــوع الـنـظـيـر
صاح (أنـدر) قلـت تخسـى وتعقـب=انكر الاصوات هو صوت الحميـر
وش علامك قال أنا اصل وحسـب=ايــه أنــا تـاجــر وابـــن عـمــي مـديــر
قــلـــت جـعــلــك لـلــبــلا يــابـــو حـــقـــب=الشريف حصان لـو فرشـه حصيـر
وجـو وجيـه الخـيـر والامــن استـتـب=وجـيـت راجــع بـيـن نـغـمـات الاثـيــر
ماحصـل مـن روحتـي غيـر التعـب=وكـــــل تــاخــيــره بـــهـــا خـــيـــر كــثــيــر
ويــــــوم رابـــــــع زاد هـــمــــي واكـــتــــرب=ورحــت للكـورنـيـش بـالـيـوم الشـهـيـر
كـنـت جـالـس والبـحـر عــز الـطـلـب=مـــوج يـصـفـق مـــوج والـنـاتـج هـديــر
ومـــــرت قــبــالــي فـــتـــاة مــــــن لـــهـــب=ماسكـن يدهـا هكـا الطفـل الصغيـر
الــولــد مـلـقــوف جـــــى يــمـــي هـــــرب=وهـــي تــنــادي مــــن مـكـانــه يـامـنـيـر
جـــى يـلاعـبـنـي وانــــا عـقـلــي لــعــب=قـلـت منـهـي قــال دي اخـتـي عبـيـر
قلت له من ويـن جـاوب مـن حلـب=قلت يخـز العيـن( شـو هيـدا) اميـر
حاسنـي المطيـور والـشـاي انسـكـب=ورغـم هـذا قمـت واعطيـتـه عصـيـر
وهـــــــي تـــنــــادي يـامــنــيــر وتــقــتـــرب=اذكــــــر الله كــنــهــا الـــبــــدر الـمــنــيــر
ومسـكـت يــده وراحــت بـــه غـصــب=الـولــد يـبـكـي وانـــا وضـعــي خـطـيـر
لاســـــــــــــلام ولاكــــــــــــــلام ولاعـــــــتـــــــب=ادبـــــرت مـــثـــل الـــغـــزال الـمـسـتـذيــر
ورجعـت مــن دون أي ادنــى سـبـب=قــلــت يالله يـاعـســى بــالامــر خــيــر
وهـمـســت ســــر قــلــب حــالــي قــلــب=قـلـت لــه يابـنـت ســـرك وســـط بـيــر
كـــنـــهــــا مـــــنـــــي وان دم وعـــــصـــــب=قـــصــــتــــة ولا روايــــــــــــة شــكــســبـــيـــر
كـلـمــتــيــن ولــــعـــــة نـــــــــار وحــــطـــــب=وســـط قـلــب يـجـذبـه سـلــك الـحـريـر
مـادهــانــي وقـتــهــا غــيـــر الــغــضــب=ومـا ذبحنـي غـيـر تانـيـب الضمـيـر
كـنــهــا يـــــوم ادبــــــرت بــــــدر غــــــرب=والـبـحـر فــــي نــاظــري كــنــه غــديــر
والـمــعــانــي حــلــقـــت يـــــــم الــســحـــب=وامــطـــرت قـيــفــان بــالــجــم الــغــزيــر
الـــقـــصـــايـــد بـــالـــدفـــاتــــر تـــنـــكـــتــــب=كـنـهـا فـــي غـمـدهــا ســيــف شـطـيــر
لـيــتــنــي مــاجـــيـــت جــــــــده مــنـــتـــدب=وليتنـي مـن قبـل مامـشـي مستخـيـر

جعل السحاب اللي سقى صحصح البيد=يـــــــــــــروي قــــــلـــــــوب مـــــــــــــن عــــنــــاهـــــا خـــــــرابـــــــه
عـــقــــب الــحــســـد والــحــقـــد والــــــــزور والــكـــيـــد=يــــنــــبــــت بــــــهـــــــا عـــــــــــــرق الــــــغـــــــلا والـــحـــبـــابــــه
يــــــامــــــا بــــــهــــــا الــــدنــــيـــــا هـــــــــــــدوس ونــــمــــاريـــــد=تــــلــــعــــب عــــــلــــــى مــــــتــــــن الـــلـــعـــيـــن الــــربــــابــــه
تـــــعــــــازمــــــو عــــــــلـــــــــى حـــــــــــــــــلال الاجــــــــاويـــــــــد=تــــكـــــالـــــبـــــو عــــــــــلــــــــــى حــــــــــقــــــــــوق الــــــغـــــــلابـــــــه
تــــفــــرعــــنــــوا صــــــــبـــــــــو غــــضــــبــــهـــــم عــــنــــاقــــيـــــد=كــــــانـــــــو كـــــــــــــلاب وثـــــــــــــم صــــــــــــــارو ذيـــــــابـــــــه
يــجـــيـــك واحــــدهــــم مــــعــــه رمــــــــح ابــــــــو زيــــــــد=يـــطـــعــــن وهــــــــــو وقـــــــــــت الـــمــــراجــــل زلابـــــــــــه
عـــربـــيــــد واطــــــــــي يـــنـــطــــح الـــفـــيــــن صـــنـــديــــد=ومــــــــــا دام فـــــــــــي هـــــــــــذا الـــــزمــــــن لاغـــــرابــــــه
حــــــتــــــى الــــقــــرايــــب بــــــيــــــن كـــــــــــــره ومـــنـــاقـــيــــد=مــــــــــــن عــــــقـــــــب مــــاكــــانـــــو ربـــــــــــــوع وقــــــرابـــــــه
يــاشـــيـــخـــة الـــخــــفــــرات يـــــابــــــا شـــــــــــة الـــغــــيــــد=يــــاشــــمـــــعـــــة كـــــــــلــــــــــك شـــــــــمــــــــــوخ ومــــــهــــــابـــــــه
يــــابــــســــمــــة الاطــــــــفــــــــال يـــــافـــــرحــــــة الـــــعــــــيــــــد=مـــــــالــــــــك ومـــــــــــــــال الـــمـــشـــكـــلــــه والـــــطـــــلابــــــه
الـــســـتــــر زيــــــــــن ومـــــــــــا يـــــبــــــي زود تــمـــجـــيـــد=وبـــــعــــــض الــــبــــشــــر مــــــــــــا يـــســـتـــرنـــه ثــــيــــابــــه
خــــــــوذي مــــثــــل عــــنــــدك نــــجــــاح اال.....؟=تــصـــدح بــصـــوت مــثـــل صـــــوت الـسـحـابــه
يـــســـمـــع لــــهـــــا وســــــــــط الــمــجـــالـــس تــنــاهـــيـــد=صـــفــــق لـــهــــا الـجــمــهــور عـــطــــف ونــجـــابـــه
بـــــــس الـحـقـيــقــه غـــيــــر مـــــــن غـــيــــر تــحـــديـــد=ان الــــــحــــــيــــــا نــــــعــــــمـــــــه وزيـــــــــــــــــــن وذرابـــــــــــــــــــه
ولا تـعــجــبــيــن بـــشـــعـــر بــــعـــــض الــقــواصـــيـــد=الـــــلـــــي لـــــهـــــم وســــــــــط الــمـــحـــافـــل خـــطــــابــــه
بــعـــض الـشــعــر خـلــطــة حــــــروف وتــفــاريــد=اول قــــــصـــــــيـــــــد وثــــــــــــــــــــم عــــــــــــــــــــود قــــــــــلابـــــــــــه
بــــعـــــض قـــصـــيـــد الـــجـــيـــل طـــــــــق وزغــــاريـــــد=شــــــــــي يـــــقـــــال وشــــــــــي مــــــــــا يــنـــحـــكـــى بـــــــــــه
الـــــشـــــعــــــر ســـــلـــــطــــــان الـــــشـــــيــــــم والـــتـــقـــالـــيــــد=الـــــشـــــعــــــر مــــــــيــــــــزان الـــــفـــــخــــــر والـــــرحــــــابــــــه

الله اكــبـــر كــبـــرو يــاهـــل الــشـــان=
يــوم ارســل الـحـد الجنـوبـي وصـيـه
مـن معـركـة حــرب النشـمـا بجـيـزان=
وصــوت القـفـوش ونغـمـة البندقـيـه
ومن الجبـال الشامخـه فـوق دخـان=
الــلـــي وراهــــــا تـــرمـــي الـمـدفـعـيــه
ومن الرميح اللي على حـد جحفـان=
نـقـصـف عـــدو الـديــن بالـمـروحـيـه
جيش الصحابه مابدى فيه نقصان=
الـــديـــن واحــــــد والـــمــــوارد مــلــيـــه
دســتــورنــا يـــامـــة الــخــيــر قــــــران=
عــلـــى كــتـــاب الله وســـنـــة نــبــيــه
يـاشـيـخـنــا يـاشـيـخـنــا يـاكـحــيــلان=
ياصاحـب النفـس الصـدوق الزكـيـه
ياللـي علـى يمنـاك حطيـت سلطـان=
والـنـايــب الـثـانــي عــلــى الـداخـلـيـه
امـــر وتلـقـانـا عـلــى الــحــد ســيــان=
لـجـل الـوطـن نــارد حـيـاض المنـيـه
بـــالارض دبـابــه وبـالـجــو عـقـبــان=
وعـلـى البـحـر تـجــري ريـــاح عـتـيـه
مال العدو عن مخلـب الحـر مزبـان=
(تخّطفـه) شـهـب الـضـواري عشـيـه
حنا شبوب الحـرب لـو كـان ماكـان=
وحــنــا ســهــوم الــمــوت للـرافـضـيـه
وحنا هـل الوقفـات يـوم اللقـاء بـان=
وحـنـا هــل الـعـادات واهــل الحـمـيـه
والله واللـي فـارض خـمـس الاركــان=
انّــــا عـلـيـهـم كـالـسـيـوف الـمـضـيـه
مـاهـو غــرور الا تـواضــع وعـرفــان=
خوف ورجـى وايمـان واخـلاص نيـه

يـابــنــت لاتـبــديــن بـــــي عـيــنــي خــيـــر=
تـــرى الـتـأنـي بـعــض الاحــيــان خــيــره
كـتـبــت لــــك يـابــنــت الاجـــــواد تـقــريــر=
بــــــــالاولــــــــه والــــثــــانــــيــــه والاخــــــــيــــــــره
الاولــــــــــه تــكــبـــيـــر تــكـــبـــيـــر تــكـــبـــيـــر=
الله اكـــــــبــــــــر كـــــــبــــــــري يــــاصــــغــــيــــره
والــثــانــيـــه بــــاقـــــة زهــــــــــور ونـــــواويـــــر=
وازكــــــى ســـلامـــي للهنــــــوف الـسـتــيــره
والــثــالــثـــه تـــحـــتـــاج وقــــفـــــه وتــفــكــيـــر=
كـــــمـــــا يـــــلــــــي تــفــســيــرهـــا يـــاغــــريــــره
انـــتــــي عــيــونـــك لــلــذهـــب والـدنــانــيــر=
وانــــــــــا عـــيـــونــــي لــلــعـــلـــوم الــشــهـــيـــره
وانــتـــي تـصـيـديــن الـســمــك بـالـقـراقـيـر=
وانــــــا الــعــقــاب الـــلـــي بــعــيــد مــطــيـــره
وانـتـي عـلـى صــدرك رســـوم ودواويـــر=
وانـــــا عـــلـــى صــــــدري هـــمـــوم مــثــيــره
وانـــتــــي تــحــبــيــن الــبـــحـــر والــنــوافــيــر=
وانــــــــا هــــوايــــه بــالــخــبـــوت الــمــطــيـــره
وانـتــي غـرامــك فـــي حـيــاة المشـاهـيـر=
وانـــــا غــرامـــي مـــــادري وش مــصــيــره
وانــتــي تـخـافـيــن الــحـــرس والـنـواطـيــر=
وانــا ارتـجـف مــن خــوف نــار سعـيـره
وانـــتـــي تــعــديـــن الـتــفــاهــات تــحــريـــر=
وانـــــــا اعـتــبــرهــا لـلـصـبــايــا حــضـــيـــره
وانـتــي تحيـكـيـن الـحـيـل داخـــل الـبـيـر=
وانــــــــا عــــلــــى قــــمــــة بـــــــــروج مـــنـــيـــره
وانــتــي اســيـــره فـــــي بــيـــوت الـدبـابـيــر=
وانـــــــــا اتـــنـــقــــل كــــــــــل يــــــــــوم بـــــديـــــره
وانتي على صوتك تهيض العصافير=
وانــــــا ورايــــــه صـــيـــت قــــــوم وعــشــيــره
وانـتـي تقـولـيـن ادهـــن الـسـيـر ويـسـيـر=
وانــــــا حــلــفــت انـــــــي لــخــلـــي مــســيـــره
مـــالـــي ومــــــال الـمـقـبـلــه والـمــصــاديــر=
ومــالـــي ومــــــال الـمـوبــقــات الـخـطــيــره
قـنــاعــتــي تــمــلـــي عــــلــــي الــمــحــاذيــر=
والله يـــعـــلـــم فـــــــــي خـــفـــايـــا الـــســـريـــره

يـانـظـرة الـشـيـطـان مــالــك ومــالــي.=
الله ولا حــبــل مــــن الــنــار مــمـــدود
طــرقــي وحـدتـنــي عـلــيــك الـلـيـالــي=
و الله يفرجـهـا عـلــى كـــل مـضـهـود
يــاخــايــنـــه يــابــايـــنـــه مــانــبـــالـــي=
لوتمسـكـيـن بـنـاصـيـة كــــل مــقــرود
روحـــي وشـوفــي بالـخـلايـق بـدالــي=
أنــا وصـلـت لمفـتـرق درب مـشـهـود
لـوكـنـت فـــي دربـــي وحـيــد لـحـالــي=
لا نـاشــد عــنّــك ولا عــنــك مـنـشــود
فـاصــل وواصـــل مـــع كـــلام مـثـالـي=
يـلـقــى بــهــا راع التـمـاثـيـل عـنـقــود
ســــلام يـاقـعــدان بــــارض الـمـعـالـي=
اسلم وسلم لـي علـى حمـود وحمـود
وبــنــدر وعــبــدالله وبــاقــي الـعـيـالـي=
وابـوفـهــد وابـــــو مـحــمــد ومـحــمــود
وخــالـــد وابـوخــالــد وربـــــع جــزالـــي=
مـحـمـد المـقـبـل وراشــــد وابـوسـعــود
وعــبــدالله هـلـيــل وعــمــر الـشـمـالـي=
وخضير ابوخالد على اليسر والكـود
وحـمـيــد ابـويــوســف ورد الـســوالــي=
وقـلـه تــرى الـرجـال بالـبـيـر مـوجــود
ســـــلام مــنـــي يــازحـــول الــرجــالــي=
مـن ديـرة بكثـر بهـا النـقـص والــزود
ينقـص بهـا اللـي يطلبـون الحلالـي=
والــزود فيـهـا زود فــي كــل مـجـهـود
فــقــدتـــكـــم يـــاهـــيــــه يــاهـــمـــلالـــي=
راحـت وناستنـا علـى الهـيـل والـعـود
والـشـعـر وعــلــوم الــعــرب والــدلالــي=
مــافــي مجـالـسـكـم مــذلــه ومـنــقــود
بـعـد اذنـكـم عــوده لنـفـس المجـالـي=
الــلــي فـصـلـتـه بـالـبـدايـات ونــعـــود
للـنـظـره الـلــي هـيـضـت كـــل سـالــي=
الـلــي نهايـتـهـا عـلــى كـــف نـمــرود
ارسـلـتـهـا للمـحـكـمـه فـــــي خـيــالــي=
قـدامـهـا قـاضــي جمـاهـيـر وشــهــود
قـلــت اسـمـعــي لـلـمـدعـي بـالـتـوالـي=
ايــه سمعيـنـي زيـــن والـعـلـم مـــردود
الشـوف نعـمـه مــن عـزيـز الجـلالـي=
والـلـي يهملـهـا مــن الـنـاس مـوعـود
يـارب عفـوك وانـت ســاس الكمـالـي=
ياللي ترى النمله من السود بالسود
وردت وهــي فيـهـا غــرور و تعـالـي=
مـن غطرستـهـا بيـحـت كــل مـسـدود
لاتـحـسـبـنــي يـالــشــقــاوي لــحــالـــي=
معـي الطمـع والحسـد والكبـر مزيـود
فتـنـه مــن المـولـى عـلـى كــل والـــي=
والـلـي يعقبـهـا مــن الـنـاس مـحـدود
كـم مــن شـقـي طــاح بــأم الجمـالـي=
واصبح اسير الدمع والحزن والخـود
وحكـم لهـا القـاضـي بحكـمـه قبـالـي=
واقفيـت مـن عنـده معصـب وملـهـود
أنـــا وقـفــت بوجـهـهـا مــــن هـبـالــي=
وش لي بها مادامها سهـود ومهـود

يـالـذيـب بـــرق فـــي ســمــا خــاطــري لاح=
تــخــاطــفــه بــــيـــــن الــــمـــــزون الـــمـــراويـــح
سيـلـه عـلـى عــوج المحـانـي ألـيــا طـــاح=
ينـحـت ضلـوعـه لـيــن عـــادت صـلافـيـح
قــلـــت ارفــقـــي يـامــزنــة الـشــعــر بــالـــراح=
روفــــــي بــحــالـــي يـــاجــــروح الـمــجــاريــح
الــشــعـــر بـــحــــر يـعــشــقــه كـــــــل ســـبــــاح=
وفـــي غـبـتــه ضــاعــت فــنــون الـسـوابـيـح
ولــلــحـــظ فــــــــي دولاب الايــــــــام مــفـــتـــاح=
فـــــــي عــــالــــم كــــثــــرة عــلـــيـــه الـمـفــاتــيــح
وانـــا لـقـيـت الـعـلــم فــــي بــيــت الأشــبــاح=
الـــلـــي عـــلـــى جـــالــــه تـــحــــوم الـنــوابــيــح
حــديــقـــتـــه فـــيــــهــــا ثــمـــانـــيـــن تـــمــــســــاح=
وبـاطـرافــهــا ســـــــور وحـــديــــد ومــراجــيـــح
فيـهـا ثـمـر حنـضـل عـلـى غـصـن تـفـاح=
وقـيـصـومـهــا عـــرفـــج ونـعـنـاعـهــا شـــيـــح
فــــي ركـنـهــا الايــســر زغــاريــد وصــيــاح=
وفـــــي ركـنــهــا الايــمـــن تـــــلاوه وتـسـبـيــح
وعــــــود حــيــاتـــه كــلــهـــا كـــفــــاح بــكــفـــاح=
يـــقـــوم مــــــن صـــكـــات الايــــــام ويــطــيــح
لـــه مـــع هــــل الـفـتـنـه مـشـاويــر ونــطــاح=
واشــوفـــهـــا كــــثـــــرت عـــلـــيـــه الــنــواطــيـــح
مـــاهـــو بــجــايــز لــــــي ولانـــــــي بــمــرتـــاح=
والـوضـع يبـغـى يافـتـى الـجـود تصـحـيـح
ان جـيـت ابـفــزع دونـــه سـيــوف ورمـــاح=
دونـــــــــــه عـــبــــيــــد بــالـــمـــلاقـــى ذوابـــــيــــــح
وان جيت ابقفي هاجس المرجله صاح=
وانـــــــا ولـــــــد ذيــــــــك الــوجـــيـــه الـمـفــالــيــح
قلـت اكـتـب الكلـمـه عـلـى خــف وجـنـاح=
يـمـكــن مــــع الايــــام تــســري بـــــه الــريـــح
خــبــري بــكــم يـالـذيــب صــاحــي ولــمــاح=
وخـبـري ببـعـض الـنـاس يامسـنـدي مـيـح

( طير السّعد )

ياطير ياطير السـعد يابيض الجـاه =اشلــع بجنحان السعد لاتومي
ازبن على ضــلع طويل تنصـاه= كم صار لك ياصاحبي فوق كمي
سيل المعاني جاك عاني من اقصاه=وسحب القوافي امطرت فوق جمي
تزاحمت خواطــره في شغايـاه= تنحت ضلوعـي لين بيحت همـي
تسمع هديـره يوم يضرب حناياه =مثل الـرعـد في برزخ مدلهمـي
تروي عــروق يابسات ثنـاياه= من عـقب ماهو وادي صار يمـي
خلك على راس الجـبل لاتعـداه =ولافـاض يمي رد ياطـير يمـي
واعطيك نبذه عن طـريق مشيناه=زميت نفسي فيه ياطير زمي
مشيت درب غير الوقت ممشـاه =درب تحـداني وانا قـلت تمي
مشـيت فيه وجاهل في خـفاياه=من هول مافي سكته فـار دمي
لقـيت ذيب بالخلا تطرده شـاه= عقب الطنيب امست حناياه صمي
لقيت حر والحبـاري تــولاه = تهوي عليه ومخلبه مايدمي
ولقيت شيخ حافيات مطاياه= يضم صدره للمشاريه ضمي
ولقيت عشاق الفخر والمحاباه=كل على جثت خويه يسمي
ودخلت بيت غير الناس مبناه=بيت يشيب صاحي الفكر غمي
بيت كبير ومظلمات زواياه= ناسه تساقى من عمى العين سمي
ورجعت سالم غانم الحمد لله= والحمد له ثاني وثالث وتمي
الي نبي مع عزة النفس جبناه= وحطيتها هي تاج راسي معمي
ياطير دولاب الدهر لاتحداه= يلف بك لف الرحى يوم رمي
خلك على راس الجبل لاتعداه =واسمع كلامي وافهمه لاتومي

( لعيون وجدان )

للوشم للاطفـال لعــــيــــون وجدان = اهــتزت ركون الجبال الــعــتـــيه
وشلون ماتهتـــز والعـــرش لو بان = يهتز من قتل النفـــوس الـبــريـــه
الشمعه اللي نورت كـــــل الاركان = قضوا عـليها دون ذنـب وخطيه
البسمه اللي ترسم اشكال والــــوان = الاربعا حلــــــت عــليها المنيــــه
الورده اللي تنثــر العطــــر شــتان = امست تحت عـوج النصايب عشيه
الطفله اللي كلها عطف واحســـان = عند الولي في جنة الخـــلـد حيــــه
اقبل عليها الموت في كـف شيطان =ابليـــس حط الانتحـــاري مطيـــه
ساقه وهو من شدة الغــي سكران = ساقه على موقــــع وفـــاة البنيــــه
الله عليكم ياعديمــــــين الايمــــان = وش عذركم في يوم بعث البريــــه
ياويلكم من خالــــق الانس والجان = مخزي عدو الديــــــن منجي وليــه
يتمتواالاطفـــال من غيـــر برهان = وصارو من اعداد الضحايا ضحيه
ارواح راحت بـــين ظلــم وعدوان = وش ذنبها من غير حد وقضــــــيه
املاك تهـــــدر بين حقد ونكــــران = ياللاسف وين العـقـــل والرويــــه
شوهتوا الاســـــلام زور وبهتــــان = لين اصبح الارهاب عفوا سميـــه
يخزيكم الله زود ذل وحـــقـــران = سود الوجيه اهل اعـــلوم الرديـــه
هنا وطن ماهو مثل كل الاوطــــان = هنا بلاد الديــــن موطن نبـــــيــــه
فهد وعبد الله ونايــــف وسلطــــان = بسيوفهم دون الوطن والرعــيــــه
والشعب لحمة صف شــيب وشبان = كلن يبـــشـــر بالشهــــاده خويــــه
والله واللي فارض خمــس الاركان = انا عليهـــم كالسيـــوف المضــيـــه
ماهو غرور الا تواضع وعرفـــان = خوف ورجاء وايمان واخلاص نيه
ويجبر عزاكم بالرضا يابو وجدان = ويجبر عزى كل الوجيه الرضيــه

( فتنة الشّرق )

يابو فهد خلاص انا خاطري طاب = ماعاد لي مع فتنة الشرق مونه
مات الخفوق وكل شي له اسباب = واسباب مصرع خافقي يجهلونه
الجادل اللي جندلت وضح الانياب = قضت مواقع هاجسي من ركونه
العين تشكي من موازين الاهداب = واردافها تشكي ذوايب قرونه
ذاب العسل مابين مرمر وعناب = على قوام يانعات غصونه
والجيد حي الجيد ياحي الاحباب = يزيدها عز ونشاط ومرونه
عندل وحش ماجابها كل جياب = مستورة عسى وليه يصونه
من دونها سيف للا رواح جلاب = يشيل راس المعتدي عن متونه
تاريخ حافل بالمعارك والانشاب = كتاب تاريخ العرب يكتبونه
ومن دونها حرب وحزازات واحزاب = اعيال عم كلبوهم يبونه
لاجيتهم ياكن من بينهم داب = كل يعزز بالمواقف ضنونه
المستحي قام يتمشى ورى الباب = والمرتكي قامت تنا قز عيونه
وابو علابي شايل معه مصلاب = الخبل يحسب حلها بالرعونه
تاب الغرير وصاحب الغي ماتاب = غبر وجاعلى منكس قرونه
حتى السفيه المستتر عارضه شاب = لاشافني جنت عليهاجنونه
المشكله صارت مثل حرب الارهاب = اما معي و الا علي يذكرونه
لونها بالمرجله جيت طلاب = نخيت ربعي هم رجال المعونه
ربعي بني وايل رفيعين الانساب = كم راس شيخ بالوغى طاح دونه
صغيرهم مايرهبه ضرب الارقاب = حذف الجنايز مايزعزع سكونه
وكبيرهم يشره على ضيغم الغاب = صيد السباع الضاريه من فنونه
قصيرهم يفرحبهم ستر وحجاب = لاشافهم هلت بشاير مزونه
هشين بشين عزيزين الاصحاب = خويهم بعيونهم ياضعونه
افخربهم لاجيت في وسط الاجناب = تاريخهم بامجادهم يشعلونه
والناس كل دون عانيه غلاب = عربان مايرضون درب المهونه
ارض الجزيره كلها بدو واعراب = مثل النجوم الامعه وسط كونه
بس القضيه غير ياوول الالباب = ماعاد لي مع فتنة الشرق مونه

( طيور الظّلام )

حسبي الله عليكم ياطيـــــور الظــلام = مارحمتــــــم بفعلتكم دموع اليتيم
ارتهبتوا وأرهـبـتـوا صــــيام قـيام = ترتجي رحمة المعبود والله كريم
راحت ارواحكم بالمهزله ياحــرام = انتحرتوا وحولتوا بوسط الحمـيم
لاحياة تســــر الوالــــدين الهــيــام = ولا ممات يفاخر به صديق قديـم
الله اكبر عليكم فكروا بأهــتــمــــام= كان باقي براس الغي فكر سـليـم
من غدرتوا؟ اهلكــــم ياوجيه اللئام = من جرحتوا؟جماعتكم وجرح اليم
وش هدمتوا؟بلدكم دون أي احترام = من نصرتوا؟عدو الدين والله عليم
ويلكم من عيون ساهــره ماتــنــام = الـمنايــــا تخطفــكــم وشـــر مقيم
وويلكم من جهنم في عذابه غــرام = الخطايا جليستكــــــم وبئس النديم
ماكسبتوا خسيتوا عن رياض السلام = قلعـــة العز ماتركـع لفعل السقيم
مالكم عندنا غير الدعى والمــــلام = سلط الله عليكم ياكلاب الجحيــــم
ومابقى للبقايا غير حد الحســــــــام = ضربة قاضيه محلهــــابالصميـــم
العظايم صغاير في عيون العظـــام = دام حفظ البرايا في يدين العظيـــم
والكريمه غنيمه في صدور الكـرام = واللئيمه مقيمه وسط قلب اللئيـــــم
حظنا قام وحظوظ العدو للحطــــام = وبالنهايه عدو الدين قدره حطيــــم